Gísli Guðlaugsson (Sandi)
Gísli Gunnar Guðlaugsson fulltrúi fæddist 17. febrúar 1923 í Skógum við Bessastíg 8 og lést 22. desember 1992 í Reykjavík.
Foreldrar hans voru Guðlaugur Gíslason úrsmiður, f. 20. maí 1896 í Stykkishólmi, d. 5. apríl 1972, og kona hans Kristín Ólafsdóttir húsfreyja, verkalýðsleiðtogi, f. 18. febrúar 1901 í Ólafsvík, d. 5. ágúst 1959.
Börn Kristínar og Guðlaugs:
1. Gísli Gunnar Guðlaugsson fulltrúi, síðast í Reykjavík, f. 17. febrúar 1923 í Skógum, d. 22. desember 1992.
2. Elsa Kristín Guðlaugsdóttir, f. 26. mars 1924 í Nikhól, d. 28. júlí 2005.
3. Ólína Bjarna Guðlaugsdóttir, í Reykjavík, f. 26. júní 1925 í Hjarðarholti, d. 1. nóvember 1979.
4. Karl Ólafur Guðlaugsson, síðast í Garðabæ, vann við stöðumælaviðgerðir, f. 3. september 1926 í Langa-Hvammi, d. 22. apríl 1999.
Gísli var með foreldrum sínum í æsku, flutti með þeim til Reykjavíkur 1941.
Hann varð gagnfræðingur í Gagnfræðaskólanum 1940, hóf nám í Verslunarskóla Íslands, varð stúdent þar 1945.
Hann fór ungur á síld, í vegavinnu og vann við fiskvinnslu.
Að námi loknu réðst hann til tryggingastofu Carls Tuliníusar. Við sameiningu tryggingastofnana réðst hann til Vátryggingafélagsins hf. og starfaði þar í nokkur ár. Þegar álverksmiðja Ísals var í byggingu starfaði hann þar sem aðalbókari. Árið 1970 réðst hann til Tryggingamiðstöðvarinnar hf. þar sem hann starfaði síðustu 22 árin.
Hann varð skáti 1938, var einn af stofnendum skátaflokksins Útlagar í Reykjavík.
Þau Guðrún giftu sig 1945, eignuðust tvö börn. Þau reistu hús við Langagerði 56 og bjuggu þar.
Gísli lést 1992.
I. Kona Gísla, (8. desember 1945), var Guðrún Guðmundsdóttir húsfreyja, kaupkona, f. 15. ágúst 1928, d. 23. október 2015. Foreldrar hennar voru Guðmundur Sigurðsson vörubifreiðastjóri, f. 10. mars 1903, d. 3. mars 1964, og kona hans Magnfríður Benediktsdóttir húsfreyja, f. 22. september 1905, d. 22. júní 1985.
Börn þeirra:
1. Guðmundur Þór Gíslason útfararstjóri, f. 22. október 1945. Fyrrum kona hans Katrín Þórarinsdóttir. Kona hans Margrét Einarsdóttir.
2. Kristín Gísladóttir lífeindafræðingur, f. 6. júní 1949. Maður hennar Þórir Þórisson.
Heimildir
- Samantekt: Víglundur Þór Þorsteinsson.
- Íslendingabók.
- Manntöl.
- Morgunblaðið 7. janúar 1993. Minning.
- Morgunblaðið 5. nóvember 2015. Minning Guðrúnar.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.