Guðný Fríða Einarsdóttir
Guðný Fríða Einarsdóttir er fædd 12. júní 1941. Hún bjó ásamt manni sínum Sigurði Georgssyni og þremur börnum, þeim Jóni Inga, Sigurbáru og Öddu Jóhönnu að Austurhlíð 1 gosnóttina 1973. Eftir gos eignuðust þau tvær dætur, Vigdísi og Lilju.
Frekari umfjöllun
Guðný Fríða Einarsdóttir frá Sætúni við Bakkastíg 10, húsfreyja fæddist þar 12. júní 1941.
Foreldrar hennar voru Einar Ólafsson frá Búðarfelli við Skólaveg 8, vélstjóri, síðar húsvörður í Hafnarfirði, f. 13. mars 1921, d. 2. desember 1984, og fyrri kona hans Árna Jóhanna Jónsdóttir frá Sætúni, húsfreyja, f. 15. febrúar 1920, d. 20. febrúar 1945.
Fósturforeldrar hennar voru Guðmundur Gunnar Pálsson vélstjóri, bifreiðastjóri, f. 3. nóvember 1919, d. 4. júlí 1997, og kona hans Margrét Jónsdóttir frá Sætúni, móðursystir hennar, húsfreyja, f. 11. maí 1916, d. 24. júní 1985.
Barn Einars og fyrri konu hans Árnu Jóhönnu:
1. Guðný Fríða Einarsdóttir húsfreyja, f. 12. júní 1941.
Börn Einars og síðari konu hans Sigrúnar Rósu Steinsdóttur:
2. Steinunn María Einarsdóttir hjúkrunarfræðingur, f. 11. júlí 1949 í Hafnarfirði. Maður hennar Páll Einarsson.
3. Ólafur Einarsson forstöðumaður á Torfastöðum í Árnessýslu, f. 13. maí 1952.
4. Gunnar Einarsson bæjarstjóri í Garðabæ, f. 25. maí 1955.
Barn Einars og Áslaugar Sigríðar Sæmundsdóttur húsfreyju, skrifstofumanns:
5. Áslaug Anna Einarsdóttir húsfreyja á Akranesi, f. 3. desember 1947.
Guðný Fríða var með foreldrum sínum, en móðir hennar varð sjúklingur og lést á Vífilsstöðum 1945, er Guðný var á fjórða árinu. Hún var hjá móðurforeldrum sínum Fríði Ingimundardóttur og Jóni Hjálmarssyni 1945. Hann lést í lok ársins og Guðný var hjá Fríði ömmu sinni 1949. Hún lést 1950. Þá fór Fríða í fóstur til móðursystur sinnar Margrétar Jónsdóttur húsfreyju í Sætúni og manns hennar Guðmundar Gunnars Pálssonar bifreiðastjóra.
Guðný Fríða varð 4. bekkjar gagnfræðingur í Gagnfræðaskólanum 1958.
Hún vann um skeið í Apótekinu, vann í 20 ára í bókabúð við Strandveg hjá Dóru Guðlaugsdóttur og 1868-1870 var hún við afgreiðslu í Mjólkurbúðinni við Vestmannabraut.
Þau Sigurður giftu sig 1962, eignuðust fimm börn. Þau bjuggu í fyrstu í Sætúni við Bakkastíg 10, við Austurhlíð 1 við Gos 1973, um skeið í Steini við Miðstræti 15, en síðan við Höfðaveg 9.
Sigurður lést 2023.
Guðný Fríða býr við Höfðaveg 9.
I. Maður Guðnýjar Fríðu, (2. júní 1962), var Sigurður Georgsson frá Vegbergi, sjómaður, skipstjóri, útgerðarmaður, f. 1. mars 1941, d. 4. febrúar 2023.
Börn þeirra:
1. Jón Ingi Sigurðsson vélstjóri, tæknistjóri á Sauðárkróki, f. 21. október 1959. Kona hans Elísabet Hrönn Pálmadóttir.
2. Sigurbára Sigurðardóttir hárgreiðslumeistari í Kópavogi, f. 1. apríl 1963. Maður hennar Óskar Friðbjörnsson.
3. Adda Jóhanna Sigurðardóttir leikskólakennari, hótelrekandi, f. 6. ágúst 1964. Maður hennar Magnús Bragason.
4. Vigdís Sigurðardóttir viðskiptafræðingur, f. 14. nóvember 1973. Maður hennar Erlingur Birgir Richardsson.
5. Lilja Sigurðardóttir skrifstofumaður á Sauðarkróki, f. 19. apríl 1981. Maður hennar Rúnar Hjartarson.
Heimildir
- Samantekt: Víglundur Þór Þorsteinsson.
- Íslendingabók.
- Morgunblaðið 18. febrúar 2023. Minning Sigurðar.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.