Gréta Þorbjörg Steinþórsdóttir
Gréta Þorbjörg Steinþórsdóttir frá Gjábakka við Bakkastíg, húsfreyja fæddist þar 24. september 1924 og lést 21. desember 2011.
Foreldrar hennar voru Steinþór Albertsson frá Kumlavík á Langanesi, bóndi, verkamaður, f. 8. janúar 1885, d. 13. apríl 1955, og kona hans Ragnheiður Árnadóttir frá Hvítanesi í Garðasókn, Borg., húsfreyja, f. þar 23. nóvember 1892, d. 1. júlí 1980.
Börn Ragnheiðar og Steinþórs:
1. Berta Soffía Steinþórsdóttir, f. 7. mars 1913 í Eyjum, d. 14. júní 2002. Maður hennar Sigurður Magnússon.
2. Jóhann Ólafur Júlíus Steinþórsson húsgagnasmíðameistari í Kópavogi, f. 24. júlí 1916 í Viðvík, N.-Múl., d. 14. september 1957. Kona hans Jórunn Helga Ámundadóttir.
3. Ragnar Vilberg Steinþórsson, f. 3. nóvember 1918 í Viðvík í N.-Múl., d. 22. október 1940.
4. Árný Hulda Steinþórsdóttir, f. 11. júní 1923 á Gjábakka, d. 18. mars 2005. Maður hennar Brynjólfur Önfjörð Steinsson.
5. Gréta Þorbjörg Steinþórsdóttir, f. 24. september 1924 á Syðri-Gjábakka, d. 21. desember 2011. Maður hennar Bragi Þorsteinsson.
6. Hilmar Steinþórsson, f. 27. febrúar 1929 á Ásum, d. 8. desember 2014.
Gréta var með foreldrum sínum í æsku, á Gjábakka og á Ásum, flutti með þeim til Reykjavíkur 1930.
Hún vann við hanskagerð á yngri árum.
Þau Bragi giftu sig 1946, eignuðust fjögur börn. Þau bjuggu við Freyjugötu 30 í Reykjavík.
Bragi lést 2008 og Gréta 2012.
I. Maður Grétu Þorbjargar, (20. apríl 1946), var Bragi Þorsteinsson verkamaður, f. 13. október 1921, d. 25. febrúar 2008. Foreldrar hans voru Þorsteinn Pétursson frá Geirshlíð í Flókadal, Borg., trésmiður, járnsmiður, f. 4. september 1895, d. 11. júlí 1979, og kona hans Kristín Sigurðardóttir frá Vilmundarstöðum í Reykholtsdal, húsfreyja, f. 12. apríl 1892, d. 26. ágúst 1985.
Börn þeirra:
1. Ragnar Vilberg Bragason, f. 12. september 1945. Fyrrum sambúðarkona Herdís Júlía Einarsdóttir.
2. Þorsteinn Bragason, f. 15. október 1948. Kona hans Kristjana Ólöf Örnólfsdóttir.
3. Kristín Bragadóttir, f. 26. júní 1956. Fyrrum sambúðarmaður Einar Helgason. Sambúðarmaður Karl Einarsson.
4. Steinþór Bragason, f. 3. maí 1962. Kona hans Hildur Kristín Þorbjörnsdóttir.
Heimildir
- Samantekt: Víglundur Þór Þorsteinsson.
- Borgfirzkar æviskrár. Margir höfundar. Sögufélag Borgarfjarðar 1969-2007.
- Íslendingabók.
- Manntöl.
- Morgunblaðið 5. janúar 2012. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.