Páll Árnason (Auðsstöðum)
Páll Árnason frá Auðsstöðum við Brekastíg 15b, netagerðar- og múrarameistari fæddist þar 21. júlí 1945 og lést 1. janúar 2021 í Hraunbúðum.
Foreldrar hans voru Árni Pálsson sjómaður, matsveinn, f. 16. apríl 1903 á Efra-Hvoli í Hvolhreppi, Rang., d. 17. mars 1961, og kona hans Guðmunda Hermannía Jóhannsdóttir húsfreyja, f. 14. júlí 1907 á Efri-Vatnahjáleigu í V.-Landeyjum, d. 18. mars 1973.
Páll var eina barn foreldra sinna. Hann var með þeim í æsku.
Hann lærði netagerð og síðar múrverk.
Hann vann við netagerð í fyrstu, en síðan við múrverk.
Páll veiktist af Parkinsonssjúkdómi og varð óvinnufær.
Þau Guðný Harpa giftu sig, eignuðust eitt barn. Þau bjuggu á Auðsstöðum.
Guðný Harpa lést 2018. Páll fluttist í Hraunbúðir og lést 2021.
I. Kona Páls var Guðný Harpa Kristinsdóttir, f. 21. janúar 1947, d. 29. mars 2018.
Barn þeirra:
1. Guðmundur Árni Pálsson, f. 29. júlí 1973. Kona hans María Höbbý Sæmundsdóttir.
Fóstursonur Páls, sonur Guðnýjar Hörpu, er
2. Kristinn Karl Bjarnason, f. 9. mars 1966.
Heimildir
- Samantekt: Víglundur Þór Þorsteinsson.
- Morgunblaðið 15. janúar 2021. Minning.
- Prestþjónustubækur.
{{Heimildir|
Þessi grein tilheyrir Æviskrám Eyjafólks eftir Víglund Þór Þorsteinsson.