Hörður Runólfsson (Bræðratungu)
Hörður Runólfsson frá Bræðratungu, vélvirki fæddist þar 4. október 1935 og lést 3. október 2021 í Hraunbúðum.
Foreldrar hans voru Runólfur Runólfsson formaður og vélstjóri í Bræðratungu, f. 12. desember 1899, d. 4. júní 1983, og kona hans Unnur Þorsteinsdóttir frá Laufási, húsfreyja í Bræðratungu, f. 19. október 1904, d. 16. mars 1947.
Hörður var með foreldrum sínum, en móðir hans lést, er hann var á tólfta árinu.
Hann lærði vélvirkjun og vann við iðn sína.
Þau Kristín giftu sig 1955, eignuðust þrjú börn. Þau bjuggu á Bröttugötu 14.
I. Kona Harðar, (12. desember 1955), var Kristín Elísa Baldvinsdóttir frá Steinholti, húsfreyja, f. 19. ágúst 1936, d. 19. júlí 2003.
Börn þeirra:
1. Baldvin Þór Harðarson, f. 28. mars 1954. Fyrrum kona hans Halla Jónsdóttir. Kona hans Magdalene Lyberth.
2. Sólrún Unnur Harðardóttir, f. 1. október 1961. Barnsfaðir Albert Ólason, látinn. Fyrrum maður hennar Þór Kristjánsson. Barnsfaðir hennar Jónas Arnmundsson.
3. Smári Kristinn Harðarson, f. 19. ágúst 1965. Fyrrum kona hans Sigurlína Guðjónsdóttir. Sambúðarkona hans Marzena Jankowska.
Heimildir
- Samantekt: Víglundur Þór Þorsteinsson.
- Íbúaskrá Vestmannaeyja 1972.
- Íbúaskrá Vestmannaeyja 1979.
- Íslendingabók.
- Morgunblaðið 16. október 2021. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.