Sigurður Zóphoníasson
Sigurður Zóphoníasson sjómaður fæddist 8. september 1922 á Stóru-Býlu í Innri-Akraneshreppi og lést 6. mars 2006.
Foreldrar hans voru Zóphonías Friðrik Sveinsson bóndi og húsasmiður á Stórubýlu í Innri-Akraneshreppi, síðar í Reykjavík, f. 2. september 1886 á Staðarhöfða í Innri-Akraneshreppi, d. 12. september 1963, og kona hans Ingibjörg Gísladóttir húsfreyja, f. 20. desember 1891 á Hvítanesi í Skilmannahreppi, Borg., d. 12. mars 1993.
Systir Sigurðar í Eyjum var
1. Soffía Zóphoníasdóttir húsfreyja á Hvassafelli, f. 6. desember 1919, d. 5. ágúst 1985.
Sigurður var með foreldrum sínum í æsku, var vinnumaður á Reyðarvatni á Rangárvöllum 1938 og 1939, heima 1940. Hann varð síðar vertíðarsjómaður í Eyjum og bjó lengi hjá Soffíu systur sinni á Hvassafelli.
Þau Fjóla bjuggu í Reykjavík, fluttu til Eyja 1952 og bjuggu Skólavegi 2, í Vöruhúsinu 1952-1954, fluttu til Reykjavíkur 1954, skildu 1955.
Sigurður flutti til Eyja með Guðfinnu Jónu síðari konu sinni 1960 og bjó með henni á Hofi við Landagötu 25, Heiðarbóli við Brekastíg 8, en á Fífilgötu 5 við Gos. Þau fluttu í Hveragerði og bjuggu þar, síðast á Borgarheiði.
Sigurður lést 2006. Guðfinna Jóna bjó síðast á Arnarheiði 8 í Hveragerði. Hún lést 2012.
Sigurður bjó með tveim konum.
I. Sambúðarkona hans var Fjóla Guðrún Aradóttir húsfreyja, f. 10. maí 1924 í Norðurkoti í Vogum á Vatnsleysuströnd, síðast á Garðvangi í Garði, d. 3. febrúar 2010.
Börn þeirra:
1. Sigfríður Ingibjörg Sigurðardóttir húsfreyja, leikskóla- og grunnskólakennari, f. 15. apríl 1948 í Reykjavík. Fyrrum maður hennar Kjartan Másson.
2. Kjartan Reynir Sigurðsson sjómaður, matsveinn, f. 14. júlí 1950. Kona hans Elva Björk Valdimarsdóttir.
II. Síðari kona Sigurðar, (14. september 1961), var Guðfinna Jóna Hannesdóttir húsfreyja, f. 2. febrúar 1930, d. 24. ágúst 2012.
Börn þeirra:
3. Alda Sigurðardóttir húsfreyja, leikskólakennari í Hveragerði, f. 17. ágúst 1962 í Eyjum. Maður hennar Ólafur Ragnarsson.
4. Berglind Sigurðardóttir húsfreyja, sjúkraliði, f. 3. júní 1964 í Eyjum. Maður hennar Gunnar Rafn Jónsson.
5. Hrefna Sigurðardóttir húsfreyja í Danmörku, f. 17. september 1965. Maður hennar Sigurður Hreinsson.
Heimildir
- Samantekt: Víglundur Þór Þorsteinsson.
- Íbúaskrá Vestmannaeyja 1972.
- Íslendingabók.is.
- Prestþjónustubækur.
- Sigfríður.
Þessi grein tilheyrir Æviskrám Eyjafólks eftir Víglund Þór Þorsteinsson.