Sveinn Tómasson (prentari)
Sveinn Tómasson var fæddur 24. nóvember 1934 og lést 25. mars 2000. Sveinn var kvæntur Ólöfu Dóru Sigurðardóttur Waage. Börn þeirra eru Aðalheiður Ingibjörg, Geir Tómas, Sigurður Óskar og Guðmundur Þór.
Sveinn lauk gagnfræðaprófi 1951 og vélstjóraprófi 1954. Hann var vélstjóri á ýmsum fiskibátum í Vestmannaeyjum til ársins 1975.
Hann var formaður fulltrúaráðs verkalýðsfélaganna, formaður Íþróttafélagsins Þórs 1958-1962, í stjórn Vélstjórafélags Vestmannaeyja, varabæjarfulltrúi fyrir Alþýðubandalagið 1962 og 1965-1966, bæjarfulltrúi 1978-1985 og forseti bæjarstjórnar 1978-1982. Sveinn var einnig kraftmikill í leikhússtarfi Vestmannaeyja og einnig lék hann í kvikmyndinni Nýtt líf.
Árið 1989 var Sveinn verslunarstjóri ÁTVR í Vestmannaeyjum og gegndi hann því starfi til dauðadags.
