Ragnheiður Valdórsdóttir
Ragnheiður Valdórsdóttir frá Reyðarfirði, húsfreyja, fiskverkakona fæddist 19. desember 1918 á Hrúteyri þar og lést 8. nóvember 2001 á Heilbrigðisstofnun Vestmannaeyja.
Foreldrar hennar voru Valdór Bóasson útgerðarmaður, verslunarmaður, f. 24. júní 1885 í Borgargerði við Reyðarfjörð, d. 22. apríl 1927, og kona hans Herborg Jónasdóttir húsfreyja, f. 23. ágúst 1886 á Hrúteyri, d. 22. ágúst 1964.
Bróðir Ragnheiðar var Eðvald Valdórsson sjómaður vélstjóri, f. 10. ágúst 1912, d. 14. nóvember 1942. Hann var fyrri maður Helgu systur Páls Eydals.
Ragnheiður kom til Eyja síðari hluta fjórða áratugarins og var vinnukona. Síðar var hún fiskverkakona í Vinnslustöðinni, lauk slíkum störfum sjötíu og fimm ára.
Þau Páll giftu sig 1941, eignuðust þrjú börn. Þau bjuggu á Hofi við Landagötu 25 1945 og 1949, síðar á Boðaslóð 14 og síðast á Áshamri 69.
Páll Eydal lést 1996 og Ragnheiður 2001.
I. Maður Ragnheiðar, (18. nóvember 1941 á Eskifirði), var Páll Eydal Jónsson vélstjóri, slippstjóri, ísláttarmaður, f. 6. desember 1919 á Garðstöðum, d. 27. október 1996.
Börn þeirra:
1. Borgþór Eydal Pálsson vélstjóri, verkstjóri, f. 27. september 1941 á Þrándarstöðum í Eiðahreppi, N-Múlas. Kona hans er Guðbjörg Oktavía Andersen.
2. Guðrún Pálsdóttir húsfreyja á Vopnafirði, fiskvinnslukona, f. 15. mars 1949 á Hofi. Maður hennar er Reynir Árnason.
3. Bjarney Pálsdóttir húsfreyja, sjúkraliði, f. 5. september 1961. Maður hennar er Ívar Gunnarsson.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Morgunblaðið 17. nóvember 2001. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.