Ásgeir Einarsson (Gjábakka)
Ásgeir Einarsson ráðsmaður, bóndi á Hraunbóli í Hörglandshreppi, síðan iðnverkamaður í Reykjavík fæddist 14. febrúar 1907 á Horni í Bjarnanessókn í A-Skaft. og lést 23. desember 1983.
Foreldrar hans voru Einar Þórðarson frá Götu í Holtum, Rang., verkamaður, f. 9. júní 1882, d. 12. febrúar 1925 á Sólheimum og fyrri kona hans Ingunn Jónsdóttir húsfreyja, f. 4. júlí 1885 á Brunnum í Suðursveit, d. 18. júní 1918 á Eiði.
Börn Ingunnar og Einars:
1. Ásgeir Einarsson ráðsmaður, bóndi, síðan iðnverkamaður í Reykjavík, f. 14. febrúar 1907 á Horni í Bjarnanessókn í A-Skaft., d. 23. desember 1983.
2. Óskar Hafsteinn Einarsson, f. 6. september 1908 á Strönd í Stöðvarfirði, d. 27. nóvember 1932.
3. Nanna Einarsdóttir húsfreyja í Reykjavík, f. 14. janúar 1910 á Strönd í Stöðvarfirði, d. 3. janúar 1997. Hún var alin upp á Skeggjastöðum í Gerðahreppi hjá Guðnýju Gísladóttur og Guðmundi Guðmundssyni skósmið.
4. Guðlaug Lovísa Einarsdóttir húsfreyja á Fáskrúðsfirði, f. 14. janúar 1911 á Gjábakka, síðast á Árbliki í Fáskrúðsfirði, d. 16. maí 1993.
5. Helga Einarsdóttir húsfreyja á bænum Berufirði í Berufirði, S-Múl., f. 10. október 1912 á Nýlendu, d. 13. febrúar 1993.
6. Páll Vídalín Einarsson bifreiðastjóri, f. 20. nóvember 1914 á Kirkjubæ, d. 13. desember 1988.
7. Svanhvít Kristín Einarsdóttir vinnukona, f. 18. desember 1916 í París, d. 20. maí 1934.
8. Kristinn Ingi Einarsson, f. 10. júní 1918 á Eiðinu, d. 13. nóvember 1945. Hann var fóstraður hjá Guðrúnu Eyjólfsdóttur á Reynivöllum í Suðursveit, A-Skaft., bjó síðast á Hraunbóli í V-Skaft.
Börn Einars Þórðarsonar og Guðrúnar Gísladóttur, síðari konu hans og hálfsystkini Ásgeirs:
9. Sveinbjörn Þórarinn Einarsson bifreiðastjóri, f. 19. júlí 1919 á Jaðri, d. 8. desember 1995.
10. Þuríður Einarsdóttir, f. 15. september 1920 á Litlu-Grund, dó óskírð, en nefnd.
11. Þuríður Einarsdóttir, f. 22. maí 1922 á Litlu-Grund, síðar húsfreyja í Reykjavík, d. 14. mars 1992.
12. Ingunn Eyrún Einarsdóttir, f. 28. júní 1925 á Litlu-Grund, finnst ekki síðan og mun hafa dáið ung.
Ásgeir fluttist til Eyja með móður sinni 1910 og var með henni á Gjábakka 1911, með foreldrum sínum á Nýlendu 1912, Kirkjubæ 1913-1915, í París 1916, á Eiðinu 1917 og 1918.
Móðir hans dó 1918.
Ásgeir fór í fóstur að Kálfafell í Suðursveit til frændfólks síns. Hann var vinnupiltur á Kálfafelli 1920, varð ráðsmaður á prestssetrinu á Kálfafellsstað. Hann fluttist frá Hala í Suðursveit að Breiðabólstað á Síðu 1936, var vinnumaður þar til 1940. Þá fór hann til Reykjavíkur, en kom þaðan 1944 að Hraunbóli á Brunasandi, var þar bóndi til 1948.
Þá varð hann iðnverkamaður í Kópavogi.
I. Kona Ásgeirs var Ingigerður Magnúsdóttir húsfreyja, f. 12. júní 1919 á Orustustöðum á Brunasandi, d. 25. september 2014. Foreldrar hennar voru Magnús Jón Sigurðsson bóndi, f. 11. ágúst 1886, d. 27. febrúar 1938 á Breiðabólstað á Síðu, og kona hans Katrín Sigurlaug Pálsdóttir húsfreyja, f. 6. september 1890 á Hofi í Öræfum, d. 9. október 1982.
Börn þeirra:
1. Ingunn Erla Ásgeirsdóttir húsfreyja í Danmörku, f. 12. október 1941. Maður hennar er Preben Nygaard.
2. Magnús Kjartan Ásgeirsson skipstjóri í Reykjavík, f. 1. apríl 1944, d. 10. júlí 2004. Kona hans var Sigurbjörg Dan Pálmadóttir.
3. Óskar Kristinn Ásgeirsson starfsmaður Innkaupastofnunar Ríkisins, bjó í Hafnarfirði, f. 6. apríl 1946, d. 31. ágúst 2015. Kona hans var Elínborg Ragnarsdóttir.
4. Ágústa Pála Ásgeirsdóttir kennari, f. 1. janúar 1952. Sambýlismaður hennar var Þráinn Ragnarsson.
5. Einar Þór Ásgeirsson, f. 30. janúar 1968, ókvæntur.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
- Vestur-Skaftfellingar 1703-1966. Björn Magnússon. Leiftur 1970-1973.
Þessi grein tilheyrir Æviskrám Eyjafólks eftir Víglund Þór Þorsteinsson.