Vilhjálmur Brandsson (gullsmiður)
Vilhjálmur Brandsson gullsmiður og leturgrafari fæddist 21. apríl 1878 í Reynishjáleigu í Mýrdal og lést 27. september 1953 í Eyjum.
Foreldrar hans voru Brandur Einarsson bóndi í Reynishjáleigu, f. 11. febrúar 1824 þar, d. 13. október 1883 þar, og síðari kona hans Vilborg Magnúsdóttir húsfreyja, f. 6. júlí 1835 í Sandaseli í Meðallandi, d. 3. febrúar 1919 í Reynishjáleigu.
Bróðir Vilhjálms var Valtýr Brandsson Mýrdal skósmiður, hljóðfæraviðgerðarmaður, f. 26. ágúst 1874, d. 21. nóvember 1942.
Vilhjálmur var með foreldrum sínum í Reynishjáleigu til 1899. Þá fór hann til Reykjavíkur, bjó þar með Helgu Bachman og eignaðist með henni Harald 1908. Þau fluttust til Víkur í Mýrdal 1910 þar sem hann
var gullsmiður í Vík til 1913.
Hann fluttist til Eyja 1913 og vann þar að gullsmíði. Hann kvæntist Jónínu 1915, bjó þá á Jaðri með Jónínu og barni á fyrsta ári og enn 1917. Þau Jónína skildu 1918 og Vilhjálmur var einn og leigjandi í Hvammi, (Kirkjuvegi 41) 1918 og framvegis uns hann fluttist á Elliheimilið í Skálholti.
Jónína var í Götu 1920 með Héðin hjá sér. Ragna var í fóstri í Litla-Gerði, en Hulda Sigurborg fór í fóstur í Suður-Vík í Mýrdal 1919.
Vilhjálmur lést 1953.
I. Bústýra og barnsmóðir Vilhjálms var Helga Jónsdóttir Bachman, f. 23. október 1866, d. 13. nóvember 1915.
Barn þeirra:
1. Vilhjálmur Haraldur Vilhjálmsson í Reynishjáleigu, f. 22. október 1908 í Reykjavík, d. 14. maí 1970.
II. Kona Vilhjálms, (10. júlí 1915, skildu), var Jónína Guðlaug Þórðardóttir, f. 29. júní 1880 í Kerlingardal í Mýrdal, d. 18. maí 1969.
Börn þeirra:
2. Héðinn Vilhjálmsson loftskeytamaður í Reykjavík, f. 19. september 1914, d. 26. janúar 1995.
3. Ragna Vilhjálmsdóttir húsfreyja á Löndum, f. 3. febrúar 1916, d. 3. desember 1979.
4. Hulda Sigurborg Vilhjálmsdóttir húsfreyja í Vík í Mýrdal, f. 15. mars 1917, d. 6. maí 2010.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
- Vestur-Skaftfellingar 1703-1966. Björn Magnússon. Leiftur 1970-1973.
Þessi grein tilheyrir Æviskrám Eyjafólks eftir Víglund Þór Þorsteinsson.