Ólafur Jónsson (Landamótum)
Ólafur Jónsson á Landamótum fæddist að Eyjarhólum í Mýrdal 4. nóvember 1883, drukknaði 5. janúar 1916.
Foreldrar hans voru Jón Árnason, f. 1840, og k.h. Guðríður Eyjólfsdóttir, f. 1842. Þau voru einnig foreldrar Friðriks Jónssonar á Látrum og Árna Jónssonar í Görðum.
Ólafur var í foreldrahúsum til ársins 1908, er hann fluttist til Eyja.
Hann vann þar við sjómennsku, var vélstjóri hjá Friðriki bróður sínum á Heklu, varð meðeigandi bræðra sinna Friðriks og Árna í Görðum og fleiri að Íslendingi VE-161 1912 og fórst með honum.
Kona Ólafs (1909) var Geirlaug Sigurðardóttir, f. 1891.
Börn þeirra voru:
1. Sigríður Ólafsdóttir húsfreyja í Reykjavík, f. 4. nóvember 1911, d. 23. mars 2004.
2. Guðjón Ólafsson skipstjóri á Landamótum, f. 30. janúar 1915, d. 4. maí 1992.
Heimildir
- Samantekt: Víglundur Þór Þorsteinsson.
- Vestur-Skaftfellingar. Björn Magnússon.
- Manntal 1910.
- Þegar „Íslendingur“ fórst 1916. Árni Árnason.
Þessi grein tilheyrir Æviskrám Eyjafólks eftir Víglund Þór Þorsteinsson.