Eilífur Eilífsson (Ólafshúsum)
Eilífur Eilífsson vinnumaður fæddist 1816 á Syðri-Reykjum í Miðfirði í V-Hún. og drukknaði 30. janúar 1847.
Foreldrar hans voru Eilífur Jónsson bóndi, f. 1787 á Ási í Vatnsdal í A-Hún., d. 1. desember 1844 og kona hans Helga Eyjólfsdóttir húsfreyja, f. 1775 á Hólum í Vatnsdal, d. 18. september 1822.
Eilífur var með foreldrum sínum í frumbernsku. Hann fluttist úr Landeyjum að Nöjsomhed 1838, var vinnumaður hjá Balbroe lækni þar á því ári, vinnumaður á Gjábakka 1839, í Ólafshúsum 1840, á Kirkjubæ 1842, í Frydendal 1843 og 1844, í Sjólyst 1845, aftur í Frydendal 1846.
Eilífur drukknaði 1847.
Barnsmóðir Eilífs var Ingiríður Björnsdóttir í Stóra-Gerði, síðar húsfreyja þar, f. 9. september 1818, d. 4. júlí 1870, kona Runólfs Magnússonar bónda. Eilífur neitaði.
Barnið þeirra var
1. Eyjólfur Eilífsson (Ingiríðarson í pr.þj.b.), f. 13. júní 1840, d. 24. júní 1840 úr ginklofa.
Heimildir
- Samantekt: Víglundur Þór Þorsteinsson.
- Borgfirzkar æviskrár. Margir höfundar. Sögufélag Borgarfjarðar 1969-2007.
- Íslendingabók.is.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.