Ingibjörg Sigurðardóttir (Nýjabæ)
Ingibjörg Sigurðardóttir vinnukona í Nýjabæ fæddist 20. desember 1837 í Voðmúlastaða-Miðhjáleigu og drukknaði 14. júní 1864.
Faðir Ingibjargar var Sigurður Sighvatsson bóndi, f. 20. mars 1792 í Efri-Hól undir Eyjafjöllum, d. 14. júní 1864.
Móðir Ingibjargar í Nýjabæ og síðari kona Sigurðar var Guðrún Guðmundsdóttir húsfreyja, f. 6. júní 1808, d. 18. janúar 1874.
Ættbogi Ingibjargar í Eyjum
Sjá Sighvat Sigurðsson á Vilborgarstöðum bróður hennar.
Ingibjörg var send frá Efsta-Koti u. Eyjafjöllum að Nýjabæ 1847, var tökubarn þar hjá Kristínu Einarsdóttur og Magnúsi Austmann, vinnukona þar frá 1850-1858. Magnús Austmann dó 15. maí 1859 og Kristín bjó ekkja þar í lok þess árs, en Ingibjörg var þá vinnukona í Juliushaab. Hún kom aftur að Nýjabæ 1860 og nú var Þorsteinn Jónsson húsbóndinn, en Kristín Einarsdóttir húsfreyjan. Ingibjörg var þar vinnandi til dd.
Hún drukknaði „við Mýrdal“ 1864.
Ingibjörg var ógift og barnlaus í Eyjum.
Heimildir
- Samantekt: Víglundur Þór Þorsteinsson.
- Íslendingabók.is.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.