Vilborg Jónsdóttir (Ólafshúsum)

Vilborg Jónsdóttir húsfreyja í Ólafshúsum fæddist 27. október 1823 og lést 29. október 1878.
Faðir hennar var Jón Þorkelsson bóndi í Svaðkoti, f. í nóvember 1795 í Danska Garði, fórst 5. mars 1834 af teinæringnum Þurfalingi við Nausthamar með Jónasi Vestmann formanni og áhöfn.
Móðir Vilborgar var Vigdís Þorbjörnsdóttir húsfreyja í Svaðkoti, f. 1800 u. Eyjafjöllum, d. 23. febrúar 1860 í Eyjum.
Vilborg fermdist 1837, 14 ára. Hún var húsfreyja í Ólafshúsum 1845, 1850 og 1860, ekkja þar 1870 með börnin Árna 17 ára, Guðrúnu 16 ára, Vigdísi 14 ára, Margréti 8 ára og Jóhönnu 6 ára. Hún lést niðursetningur á Vilborgarstöðum 1878.
Maður Vilborgar, (1845), var Jón Jónsson frá Hreiðri í Holtum, bóndi í Ólafshúsum, f. 19. ágúst 1816, drukknaði 22. september 1865, er hann gekk á reka við Torfmýri.
Börn Vilborgar og Jóns hér:
1. Vigdís Jónsdóttir, f. 21. janúar 1846, d. 29. janúar 1846 úr ginklofa.
2. Þóranna Jónsdóttir, f. 10. janúar 1847, d. 18. janúar 1847 úr „ginklofa trismusi“ (þ.e ginklofa, stífkrampa).
3. Jón Jónsson, f. 22. júlí 1848, d. 25. júlí 1848 úr ginklofa.
4. Ingvar Jónsson, f. 7. ágúst 1849, d. 16. ágúst 1849 úr „Barnasjúkleika“, (það mun vera ginklofi).
5. Jón Jónsson, f. 10. ágúst 1850, d. 23. ágúst 1850 úr „Barnasjúkleika“, (það mun vera ginklofi).
6. Margrét Jónsdóttir, f. 11. maí 1852, d. 16. maí 1852 úr ginklofa.
7. Árni Jónsson, f. 27. ágúst 1853, í Eyjum 1870, fór síðar til Vesturheims.
8. Guðrún Jónsdóttir, f. 16. október 1854, í Eyjum 1870, fór síðar til Vesturheims.
9. Vigdís Jónsdóttir, f. 29. september 1856, vinnukona í Vanangri 1880, v.k. í Elínarhúsi 1890, hjú í Mandal 1901, fór til Vesturheims 1904.
10. Bjarni Jónsson, f. 25. janúar 1857, drukknaði 9. febrúar 1895 á Leiðinni með Lárusi Jónssyni hreppstjóra.
11. Jóhanna Jónsdóttir, f. 31. janúar 1859, d. 9. febrúar 1859 úr ginklofa.
12. Margrét Jónsdóttir, f. (1862), í Eyjum 1870, 8 ára, fór síðar til Vesturheims.
13. Eyjólfur Jónsson, f. 16. júlí 1864, d. 23. júlí 1864 úr ginklofa.
14. Jóhanna Jónsdóttir, f. 6. október 1865, var í Eyjum 1870, fósturbarn á Vilborgarstöðum 1880, fluttist til Reykjavíkur, ógift.

---

Heimildir

• Samantekt: Víglundur Þór Þorsteinsson.
• Holtamannabók I – Holtahreppur. Valgeir Sigurðsson og fleiri. Ritstjórn: Ragnar Böðvarsson. Rangárþing ytra, Hellu 2006.
• Manntöl.
• Prestþjónustubækur.
• Saga Vestmannaeyja. Sigfús M. Johnsen. Ísafoldarprentsmiðja h.f. 1946.
• Vesturfaraskrá 1870-1914. Júníus H. Kristinsson. Sagnfræðistofnun Háskóla Íslands 1983.