Bjarni Björnsson (Miðhúsum)

Bjarni Björnsson bóndi á Miðhúsum fæddist 1752 í Ásgarði í Landbroti í V-Skaft. og lést 23. nóvember 1827.
Faðir hans var Björn Steinsson bóndi í Ásgarði, f. 1695. Móðir er ókunn, f. um 1721.

Kona Bjarna var Halldóra húsfreyja, f. 1774 í Þykkvabæ í Landbroti, d. 1. maí 1822, Pétursdóttir bónda í Þykkvabæ, en síðar á Gjábakka, f. 1738, d. 27. september 1792, Vilhjálmssonar.
Pétur flúði undan „Eldinum“, (Skaftáreldum), til Eyja og gerðist bóndi á Gjábakka.
Móðir Halldóru og kona Péturs var Sigríður húsfreyja, f. 1740, d. 28. september 1786 á Gjábakka, Eiríksdóttir.

Börn þeirra Halldóru voru:
1. Þuríður Bjarnadóttir, f. 21. júlí 1803, d. 4. ágúst 1803.
2. Þuríður Bjarnadóttir, f. 1805 á Miðhúsum, d. 25. nóvember 1824.
3. Elín Bjarnadóttir, f. 2. desember 1806 á Miðhúsum.
4. Ögmundur Bjarnason, f. 23. febrúar 1808, d. 1. mars 1808.
5. Hólmfríður Bjarnadóttir, f. 26. apríl 1810, d. 24. janúar 1855. Hún var í Garðinum 1835, vinnukona í Dölum 1845, skilin vinnukona í Kornhól 1850.
6. Sigríður Bjarnadóttir, f. 9. ágúst 1811, d. 15. ágúst 1811.
7. Sigríður Bjarnadóttir vinnukona á Oddsstöðum 1835, húsfreyja í Kornhól 1855, f. 25. júní 1814 í Eyjum, d. fyrir manntal 1860, kona Helga Jónssonar, f. 1806.
8. Halldóra Bjarnadóttiri, f. 25. júní 1814.
9. Guðríður Bjarnadóttir, f. 5. janúar 1816.

Bjarni lét sér ekki allt fyrir brjósti brenna. Við dvöl Gilpins sjóræningja og manna hans í Eyjum á hann að hafa hvatt til þess, að þeir yrðu drepnir. Hann mun hafa átt forláta byssu, sem hann ætlaði að nota á liðið. (SMJ).

---

Heimildir

• Samantekt: Víglundur Þór Þorsteinsson.
• Saga Vestmannaeyja. Sigfús M. Johnsen. Ísafoldarprentsmiðja h.f. 1946.
• Vestur-Skaftfellingar 1703-1966. Björn Magnússon. Leiftur 1970-1973.
• Manntöl.
• Íslendingabók.is.