Kristín Gestsdóttir (Norðurgarði)
Kristín Gestsdóttir frá Hrauki í Djúpárhreppi, Rang., húsfreyja fæddist þar 7. apríl 1843 og lést 11. október 1921.
Foreldrar hennar voru Gestur Gestsson bóndi, f. 29. október 1804 í Vatnskoti í Djúpárhreppi, d. 23. júní 1885, og kona hans Hólmfríður Árnadóttir húsfreyja, f. 1800, d. 16. apríl 1866.
Þau Jón hófu sambúð, eignuðust ekki börn saman, voru vinnuhjú í Hrauki í Djúpárhreppi og talin búendur þar 1882-1884, en síðan í húsmennsku til 1887.
Þau fluttu til Eyja 1887, bjuggu í Norðurgarði til 1895, rufu þá samvistir.
Kristín var vinnukona í V.-Landeyjum og í Þykkvabæ á árunum 1896-1898, í Brekkuhúsi 1901, á Steinsstöðum 1910, var lausakona, saumakona, í dvöl á Hjalla 1920.
Hún lést 1921.
I. Sambúðarmaður Kristínar var Jón Gíslason frá Grímsstöðum í V.-Landeyjum, bóndi, f. þar 31. maí 1839, d. 29. júní 1916.
Heimildir
- Samantekt: Víglundur Þór Þorsteinsson.
- Holtamannabók III – Djúpárhreppur. Valgeir Sigurðsson og fleiri. Ritstjórn: Ragnar Böðvarsson. Rangárþing ytra 2010.
- Íslendingabók.
- Manntöl.
Þessi grein tilheyrir Æviskrám Eyjafólks eftir Víglund Þór Þorsteinsson.