Högni Jónsson (Grafarholti)
Högni Jónsson frá Grafarholti við Kirkjuveg 13, sjómaður, stýrimaður fæddist 16. ágúst 1938 í Ásnesi við Skólaveg 7.
Foreldrar hans voru Jón Jóhannes Bjarnason frá Tannanesi í Önundarfirði, skipstjóri, seglasaumari, f. 27. desember 1875, d. 7. apríl 1964, og kona hans Laufey Guðjónsdóttir frá Fagurhól, húsfreyja, verkakona, f. 14. desember 1914, d. 1. maí 2004.
Börn Laufeyjar ogg Jóns:
1. Högni Jónsson stýrimaður, nú í Reykjavík, f. 16. ágúst 1938.
2. Sigurborg Jónsdóttir húsfreyja, verkstjóri, gjaldkeri í Borgarnesi, f. 28. febrúar 1943.
Högni lauk farmannaprófi 1964.
Hann hóf sjómennsku á mb. Gylfa VE 1959, var háseti, bátsmaður og stýrimaður á vélbátum, togurum og flutningaskipum og varðskipum til 1969. Hann stundaði ýmis störf í landi 1970 til 1973. Högni var stýrimaður á björgunarskipinu Boðinn 1974 og síðan.
Þau Birna giftu sig, eignuðust tvö börn.
I. Kona Högna er Birna Sigurðardóttir húsfreyja, f. 5. október 1936 í Rvk. Foreldrar hennar voru Sigurður og Þórdís Ágústsdóttir, f. 25. apríl 1908, d. 19. desember 1998.
Börn þeirra:
1. Þórdís Högnadóttir, f. 20. nóvember 1969 í Rvk.
2. Laufey Jóna Högnadóttir, f. 14. ágúst 1973 í Rvk.
Heimildir
- Samantekt: Víglundur Þór Þorsteinsson.
- Heimaslóð.
- Íslendingabók.
- Prestþjónustubækur.
- Skipstjóra- og stýrimannatal. Guðmundur Jakobsson. Ægisútgáfan 1979.
Þessi grein tilheyrir Æviskrám Eyjafólks eftir Víglund Þór Þorsteinsson.