Rósamunda Jónsdóttir
Rósamunda Jónsdóttir húsfreyja fæddist 29. maí 1889 á Vémundarstöðum í Ólafsfirði.
Foreldrar hennar voru Jón Gíslason, f. 1846, og kona hans Ingibjörg Sigríður Ingimundardóttir húsfreyja, f. 16. mars 1848.
Rósamunda var tvíburi, tökubarn á Syðri-Gunnólfsá í Kvíabekkjarsókn í Ólafsfirði 1890 og 1901, vinnukona í Hafnarstræti 49 á Akureyri 1910.
Hún fluttist til Eyja 1916. Þau Eyjólfur giftu sig 1918, eignuðust tvö börn. Þau bjuggu í Litla-Gerði við giftingu, á Skaftafelli við Vestmannabraut 62 1919, síðan í Háaskála við Brekastíg 11b. Rósamunda er ekki á manntali í Eyjum 1927 né 1930 og finnst ekki látin.
I. Maður Rósamundu, (12. október 1918), var Eyjólfur Guðmundsson sjómaður, verkamaður, f. 7. febrúar 1868, d. 15. desember 1946.
Börn þeirra:
1. Sigurður Eyjólfsson sjómaður, f. 10. ágúst 1919 á Skaftafelli, d. 17. október 1976.
2. Bárður Eyjólfsson, f. 4. september 1921 í Háaskála, d. 19. apríl 1932.
Heimildir
- Samantekt: Víglundur Þór Þorsteinsson.
- Íslendingabók.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.