Guðrún Hálfdanardóttir
Guðrún Hálfdánsdóttir yfirsetukona var fædd að Eyvindarhólum u. Eyjafjöllum um 1746 og lézt að Ofanleiti í Eyjum 19. nóv. 1824.
Foreldrar hennar voru Hálfdán prestur í Eyvindarhólum, f. um 1713, d. 20. maí 1785, Gísla lögréttumanns í Stóru-Mörk Þorlákssonar og síðari konu Gísla, Ingveldar Einarsdóttur prests í Guttormshaga í Holtum Magnússonar. Móðir Guðrúnar yfirsetukonu og kona Hálfdáns var Margrét húsfreyja, f. um 1719, d. í sept. 1767, Jóns sýslumanns og klausturhaldara að Sólheimum í Mýrdal Þorsteinssonar og konu Jóns, Kristínar laundóttur Árna stúdents Hákonarsonar frá Vatnshorni í Haukadal í Dalasýslu.
Guðrún nam ekki ljósmóðurfræði svo vitað sé, en gegndi ljósmóðurstörfum í Eyjum um margra ára skeið. Að tillögu landlæknis voru henni árið 1820 greiddir 4 ríkisdalir og 46 skildingar sem umbun fyrir þau störf.
Maki I (1774): Páll Magnússon (prestur) | Páll Magnússon prestur að Ofanleiti, f. 1743, d. 24. maí 1789, sonur Magnúsar bónda í Berjanesi í Landeyjum Magnússonar og konu Magnúsar bónda, Ingibjargar Pálsdóttur frá Steinsmýri í V-Skaft. Þorsteinssonar.
Börn: Grímur prófastur að Helgafelli á Snæfellsnesi, f. 1775, d. 28. marz 1853, kvæntur fyrr Sólveigu húsfreyju dóttur Eyjólfs hreppstjóra á Kröggólfsstöðum, síðar Þórunni Ásgrímsdóttur prests að Laugabrekku á Snæfellsnesi; Margrét húsfreyja á Staðastað á Snæfellsnesi, f. um 1780, d. 9. febr. 1821, gift Guðmundi Jónssyni prófasti þar; Ingibjörg húsfreyja að Arnarbæli í Ölfusi, f. 22. febr. 1788, d. 28. maí 1866, gift Jóni Matthíassyni presti þar.
Maki II (1. ágúst 1791): Jón Högnason | Jón prestur]] að Ofanleiti, f. 3. sept. 1764, d. 12. okt. 1825, Högna lögréttumanns í Skógum u. Eyjafjöllum Benediktssonar og konu Högna, Guðnýjar Jónsdóttur lögréttumanns í Selkoti Ísleifssonar.
Börn: Tvö börn, sem dóu ung.
Meðal niðja þeirra Guðrúnar og Páls voru Jóhanna Eyþórsdóttir húsfreyja, kona Gunnars Ólafssonar alþingismanns, kaupmanns og útgerðarmanns; Sigríður Eyþórsdóttir húsfreyja, kona Ólafs Arinbjarnarsonar verzlunarstjóra, foreldra Kristins bæjarstjóra í Eyjum, bæjarfógeta í Neskaupstað og fulltrúa sýslumanns í Eyjum og Hafnarfirði og Jóhanns Gunnars bæjarstjóra í Eyjum og sýslumanns og bæjarfógeta á Ísafirði; Ingibjörg Rannveig Theodórsdóttir Matthiesen kaupkona í Eyjum, gift Jóni Hinrikssyni kaupfélagsstjóra. Þau voru foreldrar Hinriks bæjarstjóra, síðar bæjarfógeta í Neskaupstað og síðast sýslumanns í Snæfells-og Hnappadalssýslu og Sigurlaugar húsfreyju í Geysi, konu Guðlaugs Gíslasonar bæjarstjóra og alþingismanns; Halldór Kolbeins prestur og systir hans Þórunn kona Sigurjóns Árnasonar prests.
Heimildir
- Sigfús M. Johnsen: Saga Vestmannaeyja. Rvk 1946, I., bls. 110-112/149.
- Ljósmæður á Íslandi. Útg. Ljósmæðrafélag Íslands. Rvk 1984.
- Páll Eggert Ólason: Íslenzkar æviskrár. Rvk 1948-1952, I. 47/II. 237/III. 321/IV. 130.
- Einar Bjarnason: Lögréttumannatal. Útg. Sögufélagið. Rvk 1952-1955.