Magnús Oddsson (Dal)
Magnús Oddsson frá Dal við Kirkjuveg 35, vélstjóri, verslunarmaður, húsvörður, verkstjóri fæddist þar 14. október 1934 og lést 7. apríl 2014 á Landspítalanum.
Foreldrar hans voru Oddur Sigurðsson frá Skuld, skipstjóri, f. 25. maí 1911, d. 19. nóvember 1979, og kona hans Magnea Lovísa Magnúsdóttir frá Dal, húsfreyja, f. 12. ágúst 1914, d. 22. júní 1991.
Börn Lovísu og Odds:
1. Magnús Oddsson vélstjóri, verslunarmaður, húsvörður, verkstjóri, f. 14. október 1934, d. 7. apríl 2014. Kona hans Þórunn Ólafsdóttir.
2. Sigurður Pétur Oddsson skipstjóri, f. 18. maí 1936, d. 14. ágúst 1968. Kona hans Árnný Sigurbjörg Guðjónsdóttir.
3. Valur Oddsson sjómaður, vélstjóri, húsasmiður, f. 27. júlí 1942. Kona hans Kristín J. Stefánsdóttir, látin.
Magnús var með foreldrum sínum í æsku.
Hann lærði vélstjórn.
Magnús fór ungur að stunda sjósókn, var á bátum frá Eyjum og Reykjavík.
Hann veiktist af berklum og var á Vífilsstöðum í um tvö ár.
Magnús vann í reiðhjólaversluninni Erninum um tíu ára skeið, vann lengi hjá Sjónvarpi Ríkisútvarpsins, var húsvörður og sinnti öðrum verkefnum. Að síðustu var hann verkstjóri hjá Múlalundi, vinnustofu Öryrkjabandalagsins.
Þau Þórunn giftu sig 1959, eignuðust fjögur börn. Þau bjuggu síðast á Berjavöllum í Hafnarfirði.
Magnús lést 2014 og Þórunn 2019.
I. Kona Magnúsar, (11. apríl 1959), var Þórunn Ólafsdóttir húsfreyja, starfsmaður Vinnuveitendasambandsins og Iðnaðarráðuneytisins, f. 16. júní 1932, d. 10. september 2019. Foreldrar hennar voru Ólafur Guðjónsson vélstjóri, f. 13. september 1892, d. 28. maí 1963 og Emilía Þórlaug Einarsdóttir, f. 24. júní 1891, d. 14. ágúst 1968.
Börn þeirra:
1. Oddur Magnússon, f. 26. janúar 1959. Barnsmóðir hans Inga Sjöfn Kristinsdóttir. Kona hans Methika Suwannarat.
2. Ólafur Magnússon, f. 29. ágúst 1960. Fyrrum kona hans Wai Thipson.
3. Magnea Lovísa Magnúsdóttir, f. 25. júní 1967. Maður hennar Stefán Kjartan Kristjánsson.
Barn Þórunnar:
4. Hörður Sigurgeirsson, f. 24. október 1955. Kona hans Matthildur Sonja Matthíasdóttir
Heimildir
- Samantekt: Víglundur Þór Þorsteinsson.
- Íslendingabók.
- Morgunblaðið 23. apríl 2014. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.