Óskar Valdimarsson (Búastöðum)
Guðjón Kristinn Óskar Valdimarsson vélstjóri fæddist 30. október 1909 og drukknaði 5. apríl 1946.
Foreldrar hans voru Jónína Bjarnadóttir húsfreyja í Gvendarhúsi f. 31. maí 1889, d. 4. mars 1912, og maður hennar Valdimar Árnason sjómaður, f. 13. júlí 1885, d. 4. ágúst 1965.
Óskar missti móður sína, er hann var á þriðja árinu.
Hann var fósturbarn hjá Guðrúnu Magnúsdóttur og Gísla Eyjólfssyni á Eystri-Búastöðum eftir lát móður sinnar, síðan hjá Guðrúnu.
Óskar lauk iðnskóla og járnsmíðanámi í Eyjum 1930 og vélstjóraprófi í Vélstjóraskólanum í Reykjavík 1932.
Hann var vélstjóri á togurum að námi loknu, en vann um skeið í Vélsmiðjunni Héðni. Hann var vélstjóri á togaranum Viðey, er hann tók út og drukknaði 1946.
Kona Óskars var Jóna Guðrún Stefánsdóttir frá Skálavík í Fáskrúðsfirði, f. 16. maí 1915, d. 2. febrúar 1994. Foreldrar hennar voru Stefán Pétursson útvegsbóndi, f. 14. maí 1885 í Víkurgerði í Fáskrúðsfirði, d. 16. júlí 1921, og kona hans Ingigerður Guðmundsdóttir húsfreyja, f. 29. október 1888 í Eyri-Útkoti í Kjósarhreppi, d. 28. febrúar 1946.
Börn þeirra:
1. Sigrún Guðrún Óskarsdóttir húsfreyja, verkakona í Reykjavík, f. 2. ágúst 1935, d. 27. september 2016 á hjúkrunarheimilinu Skjóli. Maður hennar var Halldór Gunnlaugsson frá Ísafirði, f. 27. desember 1930, d. 16. nóvember 1977.
2. Ingigerður Stefanía Óskarsdóttir húsfreyja í Garðabæ, f. 5. febrúar 1937. Maður hennar var Konráð Páll Ólafsson frá Húsavík, bifreiðastjóri, verkamaður, f. 11. júlí 1936, d. 25. maí 2011.
3. Jónína Óskarsdóttir húsfreyja í Ohio í Bandaríkjunum, f. 16. desember 1940. Maður hennar: Donald van Mitchell flugvirki.
Heimildir
- Samantekt: Víglundur Þór Þorsteinsson.
- Íslendingabók.is.
- Ingigerður Stefanía Óskarsdóttir.
- Manntöl.
- Morgunblaðið 11. nóvember 2016. Minning.
- Prestþjónustubækur.
- Vélstjóra- og vélfræðingatal. Ritstjórar: Þorsteinn Jónsson og Franz Gíslason. Þjóðsaga 1996 og 1997.
Þessi grein tilheyrir Æviskrám Eyjafólks eftir Víglund Þór Þorsteinsson.