Elín Guðlaugsdóttir (Sólbergi)
Elín Guðlaugsdóttir frá Sólbergi, húsfreyja, f. 21. apríl 1930 í Litla-Hvammi.
Foreldrar hennar voru Guðlaugur Halldórsson frá Stóra-Bóli í A-Skaft., skipstjóri, f. 20. maí 1898, d. 3. apríl 1977, og kona hans Ragnhildur Friðriksdóttir húsfreyja, f. 12. júní 1902 á Rauðhálsi í Mýrdal, d. 16. ágúst 1977.
Börn Ragnhildar og Guðlaugs:
1. Friðþór Guðlaugsson vélvirkjameistari, f. 11. október 1926, d. 19. júní 2004.
2. Alda Guðlaugsdóttir húsfreyja, verkakona á Húsavík, f. 21. desember 1928 í Litla-Hvammi, d. 24. nóvember 1996.
3. Elín Guðlaugsdóttir, tvíburi, húsfreyja, sjúkraliði, f. 21. apríl 1930 í Litla-Hvammi.
4. Guðbjörg Guðlaugsdóttir, tvíburi, húsfreyja, f. 21. apríl 1930 í Litla-Hvammi, d. 22. ágúst 2013.
5. Vigfúsína Guðlaugsdóttir húsfreyja í Reykjavík, f. 27. nóvember í Viðey, d. 25. desember 1994.
Elín var með foreldrum sínum í æsku, vann að fiskverkun á yngri árum.
Hún var á Sólbergi við fæðingu Guðlaugs 1948. Þau Jóhann giftu sig 1948 og bjuggu í Baðhúsinu við Bárustíg í lok árs. Þau bjuggu í Reykjadal 1953, á Bessastíg 10 1956 og til 2001, er þau fluttu í Sólhlíð 19.
Jóhann lést 2002.
Elín lærði til sjúkraliða eftir Gos og starfaði við Sjúkrahúsið til 1997.
Maður Elínar, (10. júlí 1948), var Jóhann Ármann Kristjánsson frá Reykjadal, vélstjóri, matsveinn, mælaaflestrarmaður hjá Rafveitunni, f. 29. desember 1915 í Skipholti við Vestmannabraut, d. 6. desember 2002.
Börn þeirra:
1. Guðlaugur Jóhannsson netagerðarmaður, sjómaður, f. 29. apríl 1948 á Sólbergi.
2. Ragna Jóhannsdóttir húsfreyja, starfsmaður á elliheimili í Danmörku, f. 6. nóvember 1949 í Baðhúsinu.
3. Guðný Kristín Jóhannsdóttir sjúkraliði í Eyjum, f. 7. júní 1953 í Reykjadal.
4. Jóhann Ellert Jóhannsson viðskiptafræðingur, fjármálastjóri í Noregi, f. 8. október 1956 á Bessastíg 10.
Heimildir
- Samantekt: Víglundur Þór Þorsteinsson.
- Elín Guðlaugsdóttir.
- Íslendingabók.is.
- Manntöl.
- Morgunblaðið 28. desember 2002.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.