Eiríkur Hansson (Gjábakka)
Eiríkur Hansson bóndi, sjómaður og skipasmiður á Gjábakka fæddist 3. ágúst 1815 og drukknaði af Blíð í Útilegunni miklu 26. febrúar 1869, er skipið fékk á sig ólag frá Breka.
Foreldrar hans voru Hans Guðmundsson frá Vilborgarstöðum, bóndi í Presthúsum, f. í júní 1792, d. 23. júní 1835 og kona hans Anna Eiríksdóttir húsfreyja, f. 1783, d. 18. febrúar 1860.
Eiríkur var 25 ára bóndi á Kirkjubæ 1840 með konu sinni Kristínu Jónsdóttur 28 ára, 1845 með henni og börnunum Málfríði 4 ára og Veigalín 2 ára, 1850 þar og Jón mættur 4 ára, 1860 höfðu bæst við Elísabet 12 ára og Eiríkur 4 ára.
Barnið Rósenkranz var tökubarn á Vilborgarstöðum.
Eiríkur smíðaði skipið Blíð á Gjábakkatúninu.
Hann fórst svo með skipinu 1869. Með honum fórust tengdasonur hans Jón Jónsson lóðs, formaður á bátnum, Guðni Guðmundsson í Fagurlyst verðandi tengdasonur Eiríks og synir Eiríks Jón Eiríksson og Rósinkranz Eiríksson.
Þeir, sem fórust við Bjarnarey voru:
1. Jón Jónsson lóðs á Vilborgarstöðum, formaður. Kona hans var Veigalín Eiríksdóttir frá Gjábakka.
2. Eiríkur Hansson bóndi á Gjábakka.
3. Jón, sonur Eiríks Hanssonar, 21 árs.
4. Rósinkranz, sonur Eiríks Hanssonar.
5. Guðni Guðmundsson smiður í Fagurlyst, verðandi tengdasonur Eiríks Hanssonar, unnusti og sambýlismaður Málfríðar Eiríksdóttur.
6. Snjólfur Þorsteinsson, vinnumaður í Görðum við Kirkjubæ unnusti Þorgerðar Gísladóttur.
7. Bjarni Magnússon bóndi á Kirkjubæ, maður Þóru Jónsdóttur.
8. Jósep Sveinsson vinnumaður í Háagarði.
9. Jón Guðmundsson frá Núpakoti undir Eyjafjöllum, sonur Margrétar Halldórsdóttur húsfreyju á Oddsstöðum og í Borg við Stakkagerðistún.
Kona Eiríks var Kristín Jónsdóttir húsfreyja, f. 1811, d. 14. október 1883.
Börn Eiríks og Kristínar hér:
1. Kristín Eiríksdóttir, f. 15. ágúst 1838, d. 26. ágúst 1838 „af Barnaveikinni“, sennilega ginklofi.
2. Hans Eiríksson, f. 20. nóvember 1839, d. 28. nóvember 1839 úr ginklofa.
3. Anna Eiríksdóttir, f. 21. mars 1841, d. 24. mars 1841 úr ginklofa.
4. Málfríður Eiríksdóttir, f. 22. ágúst 1842, d. 29. febrúar 1912. Hún fór til Vesturheims 1887.
5. Veigalín Eiríksdóttir, f. 28. nóvember 1843, d. 23. júní 1884.
6. Kristín Eiríksdóttir, f. 26. febrúar 1845, d. 5. mars 1845 úr ginklofa..
7. Eiríkur Eiríksson, f. 15. apríl 1846, d. 24. apríl 1846 úr ginklofa.
8. Jón Eiríksson, f. 14. október 1847, d. 26. febrúar 1869, drukknaði af Blíð með föður sínum.
9. Elísabet Eiríksdóttir, f. 17. júní 1849. Fór til Vesturheims 1890.
10. Rósinkranz Eiríksson, f. 10. september 1850, drukknaði af Blíð með föður sínum 26. febrúar 1869.
11. Símon Eiríksson, f. 10. desember 1851, d. 18. desember 1851 „af Barnaveikindum“.
12. Anna Eiríksdóttir, f. 4. júlí 1853, d. 17. júlí „af Barnaveiki“.
13. Eiríkur Eiríksson, 12. maí 1857, d. 11. september 1934. Hann fluttist til Vesturheims 1882.
14. Sigríður Eiríksdóttir, f. 25. september 1858, d. 1. október 1858 úr ginklofa.
15. Kristín Eiríksdóttir, f. 2. febrúar 1860, d. 22. júní 1860 „af umgangsveiki“.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
- Saga Vestmannaeyja. Sigfús M. Johnsen. Ísafoldarprentsmiðja h.f. 1946.
- Sögur og sagnir úr Vestmannaeyjum. Jóhann Gunnar Ólafsson. Þorsteinn Johnson 1938-1939.
Þessi grein tilheyrir Æviskrám Eyjafólks eftir Víglund Þór Þorsteinsson.