Katrín Sigurðardóttir (Ottahúsi)
Katrín Sigurðardóttir húsfreyja á Sitjanda í Eyvindarhólasókn, síðar í dvöl hjá Þóru Jónsdóttur dóttur sinni í Ottahúsi, fæddist í ágúst 1779 á Rauðafelli þar og lést 25. júní 1856.
Faðir hennar var Sigurður bóndi á Rauðafelli, f. 1751, d. fyrir 1788, Bjarnason bónda á Raufarfelli og Hrútafelli, f. 1720, Jónssonar bónda og hreppstjóra á Seljalandi í Fljótshverfi í V-Skaft., f. 1691, d. fyrir 1735, Bjarnasonar, og konu Jóns Bjarnasonar, Guðrúnar húsfreyju frá Hólum í Hornafirði (mt 1703), f. 1690, á lífi 1758, Sveinsdóttur.
Móðir Sigurðar á Rauðafelli og kona Bjarna á Raufarfelli var Guðrúnar húsfreyju, f. 1718, Eiríksdóttur.
Móðir Katrínar í Ottahúsi og kona Sigurðar á Rauðafelli var Rannveig húsfreyja, f. 1759, Ólafsdóttir bónda í Pétursey, f. 1723, d. 1765, Jónssonar bónda í Eystri-Dal í Fljótshverfi Eyjólfssonar, og konu Jóns í Eystri-Dal, Guðrúnar húsfreyju, f. 1685, Oddsdóttur.
Móðir Rannveigar á Rauðafelli og kona Ólafs í Pétursey var Katrín húsfreyja, f. 1725, d. 19. janúar 1825, Jónsdóttir .
Maður Katrínar í Ottahúsi var Jón Þorleifsson bóndi á Sitjanda 1816, f. 1765 í Pétursey í Mýrdal.
Katrín var 55 ára ekkja, vinnukona í Vallnatúni u. Eyjafjöllum 1835, ekkja, „eldakona“ á prestsetrinu í Odda á Rangárvöllum 1840.
Hún kom til Eyja með Þóru og Bjarna 1843 og var hjá þeim til æviloka 1856.
Börn Katrínar og Jóns hér:
1. Þóra Jónsdóttir húsfreyja, f. 11. september 1808, d. 14. mars 1894.
2. Þórunn Jónsdóttir húsfreyja, f. 10. september 1812, d. 30. apríl 1860.
Heimildir
- Samantekt: Víglundur Þór Þorsteinsson.
- Íslendingabók.is.
- Íslenzkar æviskrár. Páll Eggert Ólason og fleiri. Hið íslenzka bókmenntafélag 1948-1956.
- Manntöl.
- Prestþjónustubækur.
- Sögur og sagnir úr Vestmannaeyjum. Jóhann Gunnar Ólafsson. Þorsteinn Johnson 1938-1939.
- Vestur-Skaftfellingar 1703-1966. Björn Magnússon. Leiftur 1970-1973.
Þessi grein tilheyrir Æviskrám Eyjafólks eftir Víglund Þór Þorsteinsson.