Þórdís Jóelsdóttir (Sælundi)

Þórdís Jóelsdóttir frá Sælundi, húsfreyja á Heiðarvegi 13, fæddist 15. febrúar 1916 og lést 17. júlí 1996.
Foreldrar hennar voru Jóel Eyjólfsson útgerðarmaður á Sælundi, f. 3. nóvember 1878, d. 28. desember 1944 og síðari kona hans Guðbjörg Oktavía Einarsdóttir húsfreyja, f. 22. október 1880, d. 31. desember 1929.

Þórdís ólst upp með foreldrum sínum. Hún vann í Magnúsarbakaríi fram að giftingu.

Maður Þórdísar, (29. júní 1940), var Emil Marteinn Andersen skipstjóri og útgerðarmaður, f. 31. júlí 1917, d. 17. mars 1995.
Börn þeirra Emils:
1. Guðbjörg Októvía Andersen húsfreyja og skrifstofukona á sýsluskrifstofunni, f. 9. febrúar 1943. Maður hennar er Borgþór Eydal Pálsson.
2. Jóhanna Emilía Andersen húsfreyja, saumakona og leikskólastarfsmaður, f. 4. júlí 1944. Maður hennar er Kristján Bogason.
3. Júlía Petra Andersen húsfreyja og innanhúsarkitekt, f. 24. júní 1949. Maður hennar er Hjalti Elíasson.
4. Jóel Þór Andersen skipstjóri, f. 6. september 1950. Kona hans er Þuríður Jónsdóttir.
5. Mardís Malla Andersen byggingafræðingur, f. 2. apríl 1959. Maður hennar, (skildu), var Sigurður Gíslason.

---

Heimildir

• Samantekt: Víglundur Þór Þorsteinsson.
• Guðbjörg Októvía Andersen.
• Skipstjóra- og stýrimannatal. Guðmundur Jakobsson. Ægisútgáfan 1979.