Einar Valur Bjarnason
Einar Valur Bjarnason var sjúkrahúslæknir. Einar fæddist í Vestmannaeyjum þann 25. mars 1932. Foreldrar hans voru hjónin í Breiðholti, Bjarni Bjarnason dýralæknir og Sigurbjörg Einarsdóttir.
Einar varð stúdent frá Menntaskólanum í Reykjavík árið 1952. Tók próf cand. med frá Háskóla Íslands árið 1961. Einar starfaði sem aðstoðarlæknir á Landspítalanum frá 1961 til 1962 og við Sjúkrahús Vestmannaeyja 1962 til 1963. Hann vann síðan við lyflækningadeild Amts og Bys. Sgh. í Kolding í Danmörku og víðar erlendis. Hann fékk almennt lækningaleyfi árið 1972 og varð sérfræðingur í lyflækningum árið 1974. Einar Starfaði sem yfirlæknir við lyflækningadeild Sjúkrahússins í Vestmannaeyjum til ársins 2000.
Fyrri kona hans er Jakobína Hjálmarsdóttir og áttu þau saman þrjár dætur.
Seinni kona hans er Else Madsen og þau eiga saman einn son. Þau búa á Selfossi.
Heimildir
- Guðlaugur Gíslason: Eyjar gegnum aldirnar. Frásagnir af mannlífi og atburðum í Vestmannaeyjum frá gamalli tíð og nýrri. Reykjavík, 1982.