Hvoll (við Urðaveg)
Sjá aðgreiningarsíðuna fyrir önnur hús sem hafa borið nafnið „Hvoll“
Húsið Hvoll stóð við Urðaveg 17a. Það var einnig nefnt Nýi-Hvoll. Húsið var byggt árið 1930.
Í manntali 1953 búa í húsinu Guðjón Kristinnsson og Kristín Ólafsdóttir og börn þeirra. Gísli Ágústsson og Ingibjörg Pálsdóttir og dætur þeirra Ingveldur Gísladóttir og Vilborg Gísladóttir, Símon Waagfjörð og Elín Jóhannsdóttir og barn þeirra Símon Waagfjörð. Þar bjuggu einnig Kristinn Kristinsson f. 1933, og Matthías Guðjónsson f. 1938.
Þegar gaus bjuggu á efri hæðinni á Hvoli Guðjón Kristinsson skipstjóri, frá Miðhúsum en oftast kenndur við Hvol, og kona hans Kristín Ólafsdóttir og börn þeirra Bryndís, Hrefna, Hörður og Ólafur , sem öll eru kennd við æskuheimili sitt. Á neðri hæðinni bjuggu Kolbeinn O. Sigurjónsson, einnig oft kenndur við Hvol, og kona hans Sigríður Sigurðardóttir frá Vatnsdal og börn þeirra Anna Ísfold, Guðrún Fjóla, Ingibjörg S, Elva S og Marý Ólöf.
Húsið nr. 17b við Urðaveg, sem var bakhús, var nefnt Litli-Hvoll, og gekk einnig undir nafninu Hvoll. Það var byggt árið 1936. Íbúar árið 1953 Jóhannes Guðbjartsson og Fríða Jónsdóttir og börn þeirra Guðrún Jóhannesdóttir og Jón Jóhannesson, einnig Ottó Hannesson.
Þegar gaus bjuggu þar Sigurður N Jóhansen og kona hans Bryndís Garðarsdóttir, börn þeirra Páll, Andrés Brynjar og Unnur Ósk. Einnig Sigríður Johannessen.
Þessi hús fóru undir hraun í gosinu 1973.
Heimildir
- Húsin undir hrauninu, haust 2012.