Lúðvík Bergvinsson
Lúðvík Bergvinsson er fæddur í Kópavogi 29. apríl árið 1964. Foreldrar hans eru Bergvin Oddsson, skipstjóri og María Friðriksdóttir. Eiginkona Lúðvíks er Þóra Gunnarsdóttir. Þau eiga tvö börn.
Lúðvík lauk stúdentsprófi frá Fjölbrautaskólanum á Akranesi árið 1985 og lögfræðiprófi frá Háskóla Íslands árið 1991. Þá hefur hann skipstjórnarréttindi á 30 tonna skip frá 1980.
Hann var fulltrúi hjá bæjarfógeta, síðar sýslumanns, í Vestmannaeyjum, frá 1991 til 1994, deildarstjóri hjá Rannsóknarlögreglu ríkisins um sex mánaða skeið frá 1993 til 1994 og yfirlögfræðingur í umhverfisráðuneytinu frá 1994 til 1995.
Lúðvík lék með meistaraflokki ÍBV, ÍA, Leifturs og ÍK á árunum 1983 til 1991.
Lúðvík sat á Alþingi frá 1995 til 2009, fyrst fyrir Alþýðuflokkinn í Suðurlandskjördæmi og frá 2003 fyrir Samfylkinguna í Suðurkjördæmi. Hann var formaður þingflokks Samfylkingarinnar 2007-2009.
Í eftirtöldum nefndum hefur Lúðvík setið:
- Menntamálanefnd, 1995-1996.
- Landbúnaðarnefnd, 1995-1999 og frá 2003.
- Sérnefnd um stjórnarskrármál, 1995-1996.
- Sjávarútvegsnefnd, 1996-1999.
- Samgöngunefnd, 1999-2003.
- Allsherjarnefnd, 1999-2003.
- Efnahags- og viðskiptanefnd, 2003-2007.
- Kjörbréfanefnd, 2003-2009.
- Félagsmálanefnd 2005-2007.
- Efnahags- og skattanefnd 2007-2009.
- Utanríkismálanefnd 2007-2009.
- Viðskiptanefnd 2009.
- Íslandsdeild VES-þingsins, 1999-2003.
- Íslandsdeild þingmannanefndar EFTA, frá 2003.
- Auðlindanefnd forsætisráðherra, 1998-2000.
Heimildir