Abelone Klog
Abelone Klog, fædd Holm, húsfreyja í Danska-Garði fæddist (1745).
Hún mun hafa dvalist um skeið í Eyjum á síðari hluta 18. aldar, var komin þangað a.m.k. 1766 við fæðingu Ingeborg.
(Dánarskrár voru fyrst haldnar í Eyjum 1785, fermingar-, hjónabands- og fæðingaskrár 1786).
Maður hennar var Hans Jensen Klog forstjóri konungsverslunarinnar í Danska-Garði frá 1750, eigandi Garðsverslunar frá 1788-1798. Þau fluttust til Danmerkur eftir að eignir þeirra voru seldar 1798.
Börn þeirra í Eyjum voru:
1. Ingeborg Klog húsfreyja, f. 1766, d. 6. maí 1843 i Goslunde í Danmörku. Maður hennar Jorgen Borch.
2. Tómas Klog, sem varð landlæknir að Nesi við Seltjörn, fæddur 15. apríl 1768 í Eyjum og lézt 31. janúar 1824 í Nyköbing á Falstri. Hann var skipaður landlæknir 25. maí 1804 og veitt lausn 23. júní 1815. Kona hans Magdalene Sophie Klog.
3. Karen Klog, f. 1769 í Eyjum. Maður hennar Soren Jorgensen Hee.
4. Jensine Klog, f. um 1775 í Eyjum.
5. Jens verzlunarstjóri í Eyjum (1801), f. um 1778, d. 1811.
6. Anna Soffía, f. um 1778, á lífi 1860.
Heimildir
- Samantekt: Víglundur Þór Þorsteinsson.
- Google-vefurinn.
- Jóhann Gunnar Ólafsson: Verzlunarstaðir í Vestmannaeyjum. Gamalt og nýtt, 1949.
- Læknar á Íslandi. Reykjavík: Þjóðsaga, 2000.
- Sigfús M. Johnsen. Saga Vestmannaeyja. Reykjavík: Ísafoldarprentsmiðja H.F., 1946.
Þessi grein tilheyrir Æviskrám Eyjafólks eftir Víglund Þór Þorsteinsson.