Hörður Óskarsson (Grímsstöðum)
Hörður Óskarsson frá Grímsstöðum, viðskiptafræðingur, fjármálastjóri, aðalbókari fæddist 18. ágúst 1957 og lést 16. maí 2015 á heimili sínu.
Foreldrar hans voru Óskar Haraldsson frá Nikhól, netagerðarmeistari, f. 7. ágúst 1929, d. 22. ágúst 1985, og kona hans Ásta Haraldsdóttir frá Fagurlyst, húsfreyja, starfsmaður á Sjúkrahúsinu, f. 28. nóvember 1934.
Börn Ástu og Óskars:
1. Haraldur Óskarsson netagerðarmeistari, f. 6. janúar 1955 á Grímsstöðum. Kona hans Guðbjörg Karlsdóttir.
2. Hörður Óskarsson viðskiptafræðingur í Eyjum, fjármálastjóri, aðalbókari, f. 18. ágúst 1957 á Grímsstöðum, d. 16. maí 2015. Kona hans María Guðbjörg Pálmadóttir.
3. Elínborg Óskarsdóttir húsfreyja, f. 12. september 1958 á Grímsstöðum. Maður hennar Sigurður Georgsson.
4. Sigbjörn Þór Óskarsson netagerðarmeistari, sjómaður, f. 28. október 1962 á Grímsstöðum. Kona hans Kristín Hjartardóttir.
Hörður var með foreldrum sínum í æsku.
Hann lauk gagnfræðaprófi 1973, hóf nám í M.A. 1973, varð stúdent 1977, lauk viðskiptafræðiprófum í H.Í. 1981.
Hörður vann hjá Bænum uns hann réði sig til Lífeyrissjóðs Vestmannaeyja. Árið 1985 hóf hann störf hjá Hraðfrystistöð Vestmannaeyja, sem varð Ísfélag Vestmannaeyja og vann þar til dánardægurs, fyrst var hann fjármálastjóri, en síðan aðalbókari.
Hörður var félagi í Akóges frá 1983 og formaður félagsins um skeið, var virkur í starfi ÍBV, sat í stjórn knattspyrnuráðs um skeið, var gjaldkeri Shell-mótsnefndar frá aldamótum til dd., sat í stjórn Golfklúbbs Vestmannaeyja frá aldamótum til dd. Hann var virkur félagi í Sjálfstæðisflokknum og var m.a. formaður fulltrúaráðsins um skeið. Hann sat í stjórn Vestmannaeyjadeildar Rauða Krossins um skeið. Hann sat í stjórn Sparisjóðsins frá 2010 til sameiningar við Landsbankann 2015. Þá var Hörður margsinnis í kjörstjórn í Vestmannaeyjum við sveitarstjórnar-, alþingis- og forsetakosningar og um tíma sat hann í stjórn Lífeyrissjóðs Vestmannaeyja fyrir hönd atvinnurekenda.
Þau María giftu sig 1986, eignuðust þrjú börn. Þau bjuggu á Grímsstöðum við Skólaveg 27 1986, síðar í Hrauntúni 12.
Hörður lést 2015.
I. Kona Harðar, (1. nóvember 1986), er María Guðbjörg Pálmadóttir frá Hjarðarhaga í Skagafirði, kennari, húsfreyja, f. 27. október 1959 á Sauðárkróki.
Börn þeirra:
1. Pálmi Harðarson viðskiptafræðingur, með M.A.-próf í endurskoðun og fjármálum, sérfræðingur hjá Deloitte, f. 13. júlí 1987. Kona hans Rannveig Ísfjörð.
2. Elín Ósk Harðardóttir með M.A.-próf í uppeldis- og menntunarfræðum, er deildarstjóri á leikskóla í Kópavogi f. 7. október 1992.
3. Ásta María Harðardóttir viðskiptafræðingur með M.A.-próf í þjónusturstjórnun, vinnur hjá Íslandsbanka í Eyjum, f. 16. ágúst 1996.
Heimildir
- Samantekt: Víglundur Þór Þorsteinsson.
- Íslendingabók.
- Kennaratal á Íslandi. Ólafur Þ. Kristjánsson og fleiri. Prentsmiðjan Oddi 1958-1988.
- María.
- Morgunblaðið 30. maí 2015. Minning Harðar.
Þessi grein tilheyrir Æviskrám Eyjafólks eftir Víglund Þór Þorsteinsson.