María G. Pálmadóttir (kennari)
María Guðbjörg Pálmadóttir frá Hjarðarhaga í Akrahreppi, Skagafirði, kennari fæddist 27. október 1959 á Sauðárkróki.
Foreldrar hennar voru Pálmi Anton Runólfsson bóndi í Hjarðarhaga, f. 24. júní 1920, d. 29. janúar 2012, og kona hans Anna Steinunn Eiríksdóttir húsfreyja, f. 18. mars 1934, d. 6. október 2015.
María lauk landsprófi í Héraðsskólanum í Reykholti, Borg. 1975, varð stúdent í M.A. 1979, lauk kennaraprófi 1983, hefur sótt námskeið hjá K.H.Í.
Hún var kennari í Barnaskólanum í Eyjum frá 1983 til 2021.
Þau Hörður giftu sig 1986, eignuðust þrjú börn. Þau bjuggu á Grímsstöðum við Skólaveg 27 1986, síðar í Hrauntúni 12.
María býr á Kleifahrauni 5b.
I. Maður Maríu, (1. nóvember 1986), var
Hörður Óskarsson frá Grímsstöðum, viðskiptafræðingur, fjármálstjóri, aðalbókari, f. 18. ágúst 1957, d. 16. maí 2015.
Börn þeirra:
1. Pálmi Harðarson viðskiptafræðingur, með M.A.-próf í endurskoðun og fjármálum, sérfræðingur hjá Deloitte, f. 13. júlí 1987. Kona hans Rannveig Ísfjörð.
2. Elín Ósk Harðardóttir með M.A.-próf í uppeldis- og menntunarfræðum, er deildarstjóri á leikskóla í Kópavogi, f. 7. október 1992.
3. Ásta María Harðardóttir viðskiptafræðingur, með M.A.-próf í þjónustustjórnun, vinnur hjá Íslandsbanka í Eyjum, f. 16. ágúst 1996.
Heimildir
- Samantekt: Víglundur Þór Þorsteinsson.
- Íslendingabók.
- Kennaratal á Íslandi. Ólafur Þ. Kristjánsson og fleiri. Prentsmiðjan Oddi 1958-1988.
- María Guðbjörg.
- Morgunblaðið 30. maí 2015. Minning Harðar.
Þessi grein tilheyrir Æviskrám Eyjafólks eftir Víglund Þór Þorsteinsson.