Angantýr Sigurðsson (tæknifræðingur)
Angantýr Sigurðsson tæknifræðingur fæddist 10. janúar 1959 í Eyjum.
Foreldrar hans voru Sigurður Hallvarðssonl frá Pétursborg, rafvirkjameistari, f. 9. maí 1937, d. 9. nóvember 2006, og barnsmóðir hans Elísabet Sigurðardóttir frá Gafli í Víðidal, V.-Hún., f. 13. maí 1933, d. 14. júlí 2013. Kjörmóðir Angantýs var kona Sigurðar Málhildur Þóra Angantýsdóttir frá Reykjavík, húsfreyja, f. 2. júlí 1938, d. 1. október 2017.
Börn Málhildar og Sigurðar:
1. Angantýr Sigurðsson tæknifræðingur í Reykjavík, kjörsonur Málhildar Þóru, f. 10. janúar 1959 í Eyjum, kvæntur Erlu Björk Gunnarsdóttur lífeindafræðingi. Angantýr er sonur Sigurðar Hallvarðssonar og Elísabetar Sigurðardóttur, f. 13. maí 1933, d. 14. júlí 2013.
2. Hallvarður Sigurðsson, rafvirki í Noregi, f. 11. september 1959 í Reykjavík, kvæntur Önnu Margréti Ingólfsdóttur.
3. Elín Fríða Sigurðardóttir húsfreyja, viðskiptafræðingur á Hvolsvelli, f. 11. janúar 1966, gift Davíð Þór Óskarssyni.
Angantýr var með foreldrum sínum í æsku.
Hann lærði rafeindavirkjun í Iðnskólanum í Reykjavík í 3 ár, en lauk ekki námi þar, fór í Tækniskólann í Reykjavík, var þar í eitt ár. Þá hélt hann til Danmerkur, í Odense Teknikum og varð tæknifræðingur 1990.
Angantýr hefur starfað í grein sinni.
Þau Erla Björk giftu sig 1998, eignuðust þrjú börn.
I. Kona Angantýs, (28. maí 1998), er Erla Björk Gunnarsdóttir húsfreyja, lífeindafræðingur, f. 29. ágúst 1960 í Reykjavík. Foreldrar hennar Sigurður Gunnar Sigursveinsson, f. 29. apríl 1930, d. 21. janúar 2001, og Hrefna Jónsdóttir, f. 12. janúar 1937, d. 5. desember 2016.
Börn þeirra:
1. Heiða María Angantýsdóttir leikskólakennari, f. 7. september 1988. Sambúðarmaður hennar Jón Þór Skaftason.
2. Stefán Már Angantýsson matsveinn, f. 12. mars 1991. Sambúðarkona hans Ragnhildur Erla Þorgeirsdóttir.
3. Ágúst Hrafn Angantýsson sagnfræðinemi, f. 19. mars 1998.
Heimildir
- Samantekt: Víglundur Þór Þorsteinsson.
- Angantýr.
- Íslendingabók.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.