Guðbjörg Sigurðardóttir (Helgafellsbraut 17)
Guðbjörg Helga Sigurðardóttir húsfreyja á Helgafellsbraut 17 fæddist 8. nóvember 1913 í Ásgarði í Ásahreppi, Rang. og lést 13. ágúst 1978.
Foreldrar hennar voru Sigurður Guðbrandsson bóndi, síðar í Eyjum, f. 25. október 1878, d. 17. ágúst 1959, og kona hans Kristín Benediktsdóttir húsfreyja, síðar í Eyjum, f. 9. júlí 1877, d. 4. ágúst 1948.
Systir Guðbjargar var Þuríður Sigurðardóttir húsfreyja f. 22. maí 1909 í Ásgarði í Holtum, d. 6. apríl 1998.
Guðbjörg var með foreldrum sínum í Ásgarði og síðar í Götuhúsum á Stokkseyri.
Þau Jón giftu sig 1934 í Eyjum, bjuggu þá á Strandbergi, en voru í Hlaðbæ við fæðingu Vigfúsar í júní á því ári.
Þau voru komin í hús sitt að Helgafellsbraut 17 1940 og bjuggu þar síðan meðan þau voru saman í Eyjum, eignuðust þrjú börn, en eitt þeirra fæddist andvana.
Þau fluttust í Hafnarfjörð eftir Gos.
Guðbjörg lést 1978 og Jón 1999.
I. Maður Guðbjargar, (19. maí 1934), var JónVigfússon frá Holti, vélstjóri, útgerðarmaður. f. 22. júlí 1907, d. 9. september 1999.
Börn þeirra:
1. Vigfús Jónsson rafvirkjameistari, f. 8. júní 1934 í Hlaðbæ.
2. Sigurður Jónsson kennari, bæjarfulltrúi, sveitarstjóri, f. 10. júlí 1945 á Helgafellsbraut 17.
3. Andvana stúlka, f. 31. janúar 1953 á Helgafellsbraut 17.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.