Gunnar Jónsson (Hlaðbæ)
Gunnar Jónsson vinnumaður á Heiði og í Hlaðbæ, síðar í Vesturheimi fæddist 26. apríl 1879.
Foreldrar hans voru Jón Hjartarson vinnumaður á Raufarfelli og í Hlíð u. Eyjafjöllum, f. 19. mars 1838, d. 2. mars 1881, og Gunnhildur Gunnhildardóttir vinnukona í Hlíð og víðar, f. 8. ágúst 1853, d. 6. apríl 1892.
Gunnar var tökubarn með vinnukonunni móður sinni í Hlíð u. Eyjafjöllum 1880, en Jón faðir hans var vinnumaður þar.
Hann var niðursetningur á Þorvaldseyri 1890. Þar var móðir hans vinnukona og Gunnhildur amma hans niðursetningur.
Gunnar var vinnumaður á Heiði 1901, í Hlaðbæ við fæðingu Sigurgeirs og giftingu sína 1904.
Þau Halldóra fluttust með Stefaníu Gunnhildi til Vesturheims 1904.
I. Barnsmóðir Gunnars var Neríður Ketilsdóttir vinnukona, saumakona, f. 5. ágúst 1879 á Syðri-Kvíhólma u. Eyjafjöllum, d. 24. júlí 1961.
Barn þeirra var
1. Sigurgeir Gunnarsson, (Ameríku-Geiri) sjómaður, f. 7. júlí 1904, d. 16. apríl 1974.
II. Kona Gunnars, (17. janúar 1904), var Margrét Halldóra Guðmundsdóttir húsfreyja, f. 20. september 1873, d. 6. apríl 1924.
Barn þeirra í Eyjum var
2. Stefanía Gunnhildur Gunnarsdóttir, f. 23. nóvember 1902, d. 30. ágúst 1993. Hún fluttist með foreldrum sínum til Vesturheims 1904, bjó í Winnipeg undir ættarnafninu O´Reilly.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
- Vesturfaraskrá 1870-1914. Júníus H. Kristinsson. Sagnfræðistofnun Háskóla Íslands 1983.
Þessi grein tilheyrir Æviskrám Eyjafólks eftir Víglund Þór Þorsteinsson.