Margrét Sigurþórsdóttir
Margrét Sigurþórsdóttir frá Eystri-Gaddsstöðum á Rangárvöllum, húsfreyja, forstöðukona fæddist 2. febrúar 1892 í Holtahreppi, Rang, d. 16. júlí 1962.
Foreldrar hennar voru Sigurþór Ólafsson smiður , síðar húsmaður á Eystri-Gaddsstöðum á Rangárvöllum, f. 9. september 1860, d. 31. maí 1944, og kona hans Sigríður Ólafsdóttir húsfreyja, f. 12. desember 1854, d. 2. ágúst 1925.
Margrét var tóvinnukona á Kirkjubæ á Rangárvöllum 1910. Hún eignaðist Sigurþór í Reykjavík 1914 og var á Seyðisfirði 1916, er hún fæddi Kristján Thorberg, en var til heimilis hjá foreldrum sínum á Gaddsstöðum 1920 og vann heimilisstörf. Þar var sonur hennar Kristján Thorberg Tómasson.
Hún fluttist til Eyja með Kristján Thorberg Tómasson barn sitt 1924 og var bústýra hjá Jóni Pálssyni ekkli á Garðstöðum á því ári.
Sonur hennar Sigurþór Guðmundsson kom til hennar frá Rangárvallasýslu 1928.
Þau Jón giftu sig 1925, eignuðust ekki börn saman, en Margrét annaðist ómegð Jóns nema Eyjólf, sem var fóstraður hjá Ólafi Eyjólfssyni móðurbróður sínum og konu hans Auðbjörgu Valtýsdóttur á Garðstöðum, og Lilju, sem fór í fóstur til Guðmundar Gíslasonar og Oddnýjar Jónasdóttur á Vilborgarstöðum.
Síðar tók hún Grétar í fóstur. Hann var sonur Sigríðar Sigurðardóttur systurdóttur Margrétar.
Aftari röð frá vinstri:
Ólafía Óladóttir, Helga Rafnsdóttir, Marta Þorleifsdóttir.
Sitjandi frá vinstri: Margrét Sigurþórsdóttir, Dagmey Einarsdóttir.
Margrét var í hópi baráttuvenna um stofnun verkakvennafélags og einnig stofnun barnaheimilis (leikskóla) í Eyjum, en það bar þann árangur, að fyrsti leikskóli í Eyjum, Barnaheimilið Helgafell, var stofnaður og tók til starfa 1946. Hún var forstöðukona skólans 1950-1957.
I. Barnsfaðir Margrétar var Guðmundur Júlíus Hersir Brynjólfsson, f. 19. júlí 1894, d. 6. júlí 1971.
Barn þeirra:
1. Sigurþór Hersir Guðmundsson sjómaður, bryti, síðast í Reykjavík, f. 28. júlí 1914, d. 5. júní 1988.
II. Barnsfaðir Margrétar var Tómas Jón Skúlason frá Ytra-Vatni í Skagafirði, síðar fasteignasali í Reykjavík, f. 12. apríl 1879, d. 14. október 1941.
Barn þeirra var
2. Kristján Thorberg Tómasson sjómaður, matreiðslumaður, f. 10. apríl 1916 á Seyðisfirði, d. 10. apríl 2001.
III. Maður Margrétar, (6. júní 1925), var Jón Pálsson útvegsmaður, ísláttarmaður á Garðstöðum, f. 26. apríl 1874 í Berjanesi u. Eyjafjöllum, d. 10. janúar 1954.
Börn Jóns, sem urðu stjúpbörn Margrétar:
3. Halldór Jónsson sjómaður, vélstjóri, f. 28. september 1908 á Löndum, d. 4. júlí 1976.
4. Ólafur Sigurður Jónsson bakarameistari í Reykjavík, f. 25. febrúar 1912 á Garðstöðum, d. 16. apríl 1988.
5. Björgvin Þorsteinn Jónsson sjómaður, f. 17. mars 1914 á Garðstöðum, d. 16. júlí 1989.
6. Ágústa Helga Jónsdóttir húsfreyja í Keflavík, f. 20. ágúst 1917 á Garðstöðum, d. 29. febrúar 2008.
7. Páll Eydal Jónsson slippstjóri, f. 6. desember 1919 á Garðstöðum, d. 27. október 1996.
Fósturbarn Margrétar og Jóns var
8. Sigurður Grétar Karlsson frændi Margrétar, vélstjóri, f. 5. ágúst 1932, d. 1. maí 1951.
Heimildir
- Samantekt: Víglundur Þór Þorsteinsson.
- Blik 1962, Barnaheimilið Helgafell.
- Íslendingabók.is.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.