Jón Mar Þórarinsson
Jón Mar Þórarinsson frá Lundi, kennari og rútubifreiðastjóri í Reykjavík fæddist 30. júní 1950 á Borgareyri í Mjóafirði eystri og lést 29. júní 2018 á Landspítalanum.
Foreldrar hans voru Þórarinn Ársæll Sigbjörnsson frá Ekru, f. 18. janúar 1914 og lést 7. desember 1992, og kona hans Margrét Sigríður Svava Sveinsdóttir frá Borgareyri í Mjóafirði eystri, húsfreyja, f. 27. apríl 1914, d. 18. september 2011.
- Margrét, Þórarinn og börn.
- Frá vinstri: Jón Mar, Ólöf Steinunn og Sveinn.
Börn Margrétar og Þórarins:
1. Sveinn Þórarinsson vélstjóri, vélvirki, síðar á Selfossi, f. 10. nóvember 1935 á Borgareyri. Kona hans er Guðný Eyjólfsdóttir.
2. Ólöf Steinunn Þórarinsdóttir húsfreyja, snyrtifræðingur í Bandaríkjunum, f. 7. febrúar 1947 á Borgareyri. Maður hennar er Hjörtur Sveinbjörnsson.
3. Jón Mar Þórarinsson kennari, rútubifreiðastjóri í Reykjavík, f. 30. júní 1950 á Borgareyri, d. 29. júní 2018. Fyrri kona var Sigríður Ingvarsdóttir. Sambýliskona Jóns Mars var Jóna Oddsdóttir.
Jón Mar var með foreldrum sínum í æsku, á Borgareyri fyrstu ár sín, fluttist með þeim að Lundi í Eyjum 1956.
Hann lauk landsprófi frá Gagnfræðaskólanum 1965, kennaraprófi 1970. Hann sat nokkur námskeið á vegum Kennaraskólans.
Jón Mar var kennari við Barnaskólann í Grindavík 1970-1972, vann hjá Ríkisútgáfu námsbóka 1972-1973, var kennari við Fellaskóla í Reykjavík frá 1973, í 45 ár.
Á sumrum ók hann rútum.
Hann vann að æskulýðsmálum, að íþróttamálum og stundaði tónlist.
Þau Sigríður Jórunn giftu sig 1972, eignuðust tvö börn, en skildu.
Síðari kona Jóns Mars var Jóna Guðrún. Þau eignuðust tvö börn, bjuggu að Krókamýri 20 í Garðabæ.
Jón Mar lést 2018.
Jón Mar var tvíkvæntur.
I. Fyrri kona hans, (28. október 1972), er Sigríður Jórunn Ingvarsdóttir húsfreyja, lögfræðingur, f. 18. júlí 1949. Foreldrar hennar voru Ingvar Sigurðsson sérleyfishafi, f. 18. júlí 1919, d. 2. júní 1990, og kona hans Guðlaug Guðný Þórarinsdóttir húsfreyja, bifreiðastjóri, framkvæmdastjóri, f. 7. desember 1925, d. 19. október 2014.
Börn þeirra:
1. Þóranna Jónsdóttir, f. 19. desember 1968. Maður hennar er Júlíus Guðmundsson.
2. Ingvar Mar Jónsson, f. 12. ágúst 1973. Kona hans er Sigríður Nanna Jónsdóttir.
II. Síðari kona Jóns Mars er Jóna Guðrún Oddsdóttir húsfreyja, f. 8. desember 1951. Foreldrar hennar voru Oddur Guðmundur Jónsson rafvirkjameistari, rafmagnseftirlitsmaður, f. 2. janúar 1926, d. 2. maí 2016, og kona hans Erna Heiðrún Jónsdóttir húsfreyja, f. 20. október 1925, d. 13. maí 1989.
Börn þeirra:
3. Erna Heiðrún Jónsdóttir, f. 18. júlí 1984. Maður hennar er Guðmundur Freyr Ómarsson.
4. Arna Margrét Jónsdóttir, f. 31. júlí 1990. Unnusti hennar er Sindri Már Hjartarson.
Heimildir
- Samantekt: Víglundur Þór Þorsteinsson.
- Íslendingabók.is.
- Kennaratal á Íslandi. Ólafur Þ. Kristjánsson og fleiri. Prentsmiðjan Oddi 1958-1988.
- Morgunblaðið 12. júlí 2018. Minning.
Þessi grein tilheyrir Æviskrám Eyjafólks eftir Víglund Þór Þorsteinsson.