Hrafnhildur Ástþórsdóttir
Hrafnhildur Ástþórsdóttir húsfreyja, íþrótta- og tómstundafræðingur, forstöðumaður fæddist 20. júní 1949 í Reykjavík.
Foreldrar hennar voru Jóna Sturludóttir húsfreyja, f. 22. mars 1926, d. 30. janúar 2016, og kjörfaðir hennar Ástþór Ingvi Einarsson vélstjóri, bifreiðastjóri, f. 18. júní 1930, d. 9. júní 2018.
Hrafnhildur var með móður sinni fyrstu fimm ár ævinnar, fluttist með henni til Eyja 1954. Móðir hennar giftist Ástþóri 1957 og fjölskyldan bjó á Faxastíg 39.
Þau Andrés giftu sig 1969, bjuggu á Sunnuhvoli, eignuðust þrjú börn.
Fjölskyldan fluttist til Keflavíkur við Gosið og bjó þar í 6 mánuði, fluttist á Selfoss, bjó þar í 7 ár, og síðan til Eyja, bjó á Hrauntúni 2.
Þau Andrés slitu samvistir 1982 og Hrafnhildur flutti til Reykjavíkur 1987.
Hrafnhildur nam íþrótta- og tómstundafræði og varð forstöðumaður félagsmiðstöðvar unglinga í Reykjavík í 24 ár.
I. Maður Hrafnhildar, (11. september 1969, skildu), var Andrés Sigmundsson bakarameistari, bæjarfulltrúi, f. 11. desember 1949.
Börn þeirra:
1. Sigmundur Andrésson sjávarútvegsfræðingur, forstjóri fiskiðnaðarverksmiðju í Frankfurt í Þýskalandi, f. 14. ágúst 1968 í Eyjum. Kona hans Azadeh Masoumi verkfræðingur, af persneskum ættum.
2. Sigurjón Andrésson markaðsfræðingur hjá Sjóvá, f. 10. desember 1970 á Akureyri. Kona hans er Margrét Sara Guðjónsdóttir, menntaskólakennari.
3. Agnes Sif Andrésdóttir viðskipta- og ferðamálafræðingur, skrifstofustjóri hjá Reykjavíkurborg, f. 31. maí 1973, ógift.
Heimildir
- Samantekt: Víglundur Þór Þorsteinsson.
- Íslendingabók.is.
- Hrafnhildur.
Þessi grein tilheyrir Æviskrám Eyjafólks eftir Víglund Þór Þorsteinsson.