Jóhanna Arnórsdóttir (Hellisholti)
Jóhanna Ketilríður Arnórsdóttir frá Ísafirði húsfreyja í Hellisholti og víðar fæddist 24. júlí 1925 á Ísfirði og lést 12. mars 2017.
Foreldrar hennar voru Arnór Magnús Magnússon skipstjóri, f. 17. október 1897, d. 12. febrúar 1986, og kona hans Kristjana Sigríður Gísladóttir húsfreyja, f. 4. júlí 1900, d. 13. október 1970.
Jóhanna fluttist frá Ísafirði til Eyja 18 ára gömul. Þau Kristinn bjuggu í fyrstu hjá foreldrum hans í Hellisholti, síðan í Fagranesi við Hásteinsveg 34, en byggðu Lyngholt við Illugagötu og húsið Hátún við Hátún.
Þau eignuðust fimm börn.
Þau fluttust til Kópavogs 1966. Jóhanna vann þar hjá Efnagerðinni Val.
Jóhanna var lengi formaður félags eldri borgara í Kópavogi.
Þau Kristinn dvöldu síðast á hjúkrunarheimilinu Sunnuhlíð.
Kristinn lést 2012 og Jóhanna 2017.
Maður Jóhönnu var Hjörtur Kristinn Hjartarson vélstjóri, ökukennari, f. 17. desember 1921, d. 3. apríl 2012.
Börn þeirra:
1. Hjörtur Viðar Kristinsson verktaki, síðast í Kópavogi, f. 15. febrúar 1944 í Hellisholti, d. 3. september 1989.
2. María Solveig Hjartardóttir húsfreyja, f. 26. mars 1946 í Fagranesi.
3. Arndís Kristjana Hjartardóttir húsfreyja, f. 29. maí 1949 í Hellisholti.
4. Eydís Ósk Hjartardóttir húsfreyja, f. 9. desember 1953 í Lyngholti.
5. Kristín Gyðríður Hjartardóttir húsfreyja, f. 3. nóvember 1958 á Sjúkrahúsinu.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Morgunblaðið 12. apríl 2012, 17. mars 2017.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.