Steinunn Þorsteinsdóttir (Kastala)

Steinunn Þorsteinsdóttir vinnukona frá Kastala fæddist 22. september 1862 og lést 7. febrúar 1927 í Vesturheimi.

Foreldrar hennar voru Þorsteinn Jónsson tómthúsmaður og ekkill í Kastala, f. 27. júlí 1833, drukknaði 1863, og Guðrún Jónsdóttir, þá í Kastala, ekkja eftir Hjálmar Filippusson, f. 21. apríl 1825, d. 2. júní 1890.

Steinunn var með móður sinni í Kastala 1862, niðursetningur ásamt móður sinni hjá Arndísi Jónsdóttur þar 1863, niðursetningur þar 1864 og enn 1870.
Hún var vinnukona í Jónshúsi 1880 og við fæðingu Sigmundar 1883. Hún var á Gjábakka við brottför til Vesturheims 1886.

I. Barnsfaðir hennar var Gísli Gíslason Brynjólfssonar, en hann var þá í Jónshúsi, f. 1847, d. 1. desember 1910.
Barn þeirra var
1. Sigmundur Gíslason, f. 29. október 1883, fór til Vesturheims, d. 31. mars 1965.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Prestþjónustubækur.
• Vesturfaraskrá 1870-1914. Júníus H. Kristinsson. Sagnfræðistofnun Háskóla Íslands 1983.