Guðrún Guðmundsdóttir (Kirkjubæ)

Guðrún Guðmundsdóttir húsfreyja á Kirkjubæ fæddist 1749 og lést 12. febrúar 1817.
Foreldrar hennar voru sr. Guðmundur Högnason prestur á Kirkjubæ, f. 1713, d. 6. febrúar 1795, og kona hans Guðrún Hallsdóttir húsfreyja, f. 1725, d. 16. desember 1785.

Börn sr. Guðmundar og Guðrúnar í Eyjum voru:
1. Guðrún Guðmundsdóttir húsfreyja, f. 1749, d. 12. febrúar 1817. Maki er ókunnur.
2. Stefán Guðmundsson bondi á Kirkjubæ, f. 1750, d. 13. febrúar 1793, kvæntur Vilborgu Erlendsdóttur húsfreyju.
3. Guðmundur Guðmundsson bóndi á Kirkjubæ, f. 1753, d. 28. september 1825. Kona hans var Þuríður Einarsdóttir húsfreyja
4. Anna Guðmundsdóttir húsfreyja á Kirkjubæ, f. 1757, d. 17. apríl 1849, kona sr. Bjarnhéðins Guðmundssonar.
5. Rakel Guðmundsdóttir húsfreyja í Gvendarhúsi, f. 1758, d. 20. febrúar 1793, kona Bergsteins Guðmundssonar bónda og hreppstjóra.
6. Árni Guðmundsson bóndi á Vilborgarstöðum, f. 1762, d. 21. apríl 1819. Fyrri kona hans var Guðríður Guðmundsdóttir húsfreyja. Síðari kona hans var Ástríður Þorláksdóttir húsfreyja.

Maður Guðrúnar og barneignir eru ekki skráðar, enda eru giftingar og barnsfæðingar fyrst skráðar í Eyjum árið 1786.

Við manntal 1801 var Guðrún 52 ára ekkja og vinnukona í heimili Önnu systur sinnar á Kirkjubæ Við andlát 1817 var hún skráð ekkja á Kirkjubæ, dó af „ellilasleika“.

---

Heimildir

• Samantekt: Víglundur Þór Þorsteinsson.
• Manntöl.
• Prestþjónustubækur.