Tómas Ólafsson (Nýborg)

Tómas Ólafsson í Nýborg, frá Leirum u. Eyjafjöllum, síðar á Seyðisfirði, fæddist 1. marz 1869 í Varmahlíð u. Eyjafjöllum.

Ætt og uppruni

Foreldrar hans voru Ólafur bóndi í Varmahlíð u. Eyjafjöllum, flutti 1872 að Leirum í Steinasókn og er þar 1880 og 1890, f. um 1827, Ólafsson bónda í Hlíð u. Eyjafjöllum, Sigurðssonar og konu Ólafs í Hlíð, Helgu húsfreyju, f. 1791 í Stóra-Dalssókn, Eiríksdóttur. Móðir Tómasar og kona Ólafs í Varmahlíð var Guðrún húsfreyja, f. um 1828, Tómasar smiðs og bónda í Varmahlíð, Þórðarsonar og konu Tómasar, Margrétar húsfreyju, f. 1796, Jónsdóttur.
Guðrún var systir Þórðar föður Ágústínu konu Lofts Jónssonar á Vilborgarstöðum.

Æviferill

Tómas var lengi vinnumaður í Nýborg hjá Sigurði Sveinssyni snikkara. Þar var hann 1890 og 1901. Á árinu 1898 var hann í Nýborg, við fæðingu Jóns Magnúsar var hann til heimilis í Hlíðarhúsi, en á Gjábakka við fæðingu Jóhanns Ólafs. Tómas fluttist síðar til Seyðisfjarðar, lenti í skipshrakningum og lézt af völdum þeirra. Tómas var asalaus. Um hann var kveðið:

Tómas aldrei hefur hátt,
hátt þó aðrir masi,
situr, brosir, segir fátt
Sigurðar við þrasi.

Maki I, barnsmóðir: Magnúsína Magnúsdóttir, f. 1867, d. 1953.
Barn: Jón Magnús, f. 1896 í Frydendal.

Maki II, barnsmóðir: Steinunn Ísaksdóttir frá Seljalandi, þá í Nýborg, f. 1856, d. 1920.
Barn þeirra var Jóhann Ólafur, f. 13. febr. 1893. Hann var á mt. 1901 í Kúfungum, en í Reykjavík 1910. Síðar fluttist hann til Spánar, kvæntist þarlendri konu og var skipstjóri á fiskiskipi. Fórst þar.

Maki III, barnsmóðir: Jóhanna Ólafsdóttir, þá ógift í Nýborg. Ef til vill sú, sem flyzt vinnukona til Njarðvíkur 1912.
Barn: Davíð, f. 8. október 1898, d. 8. febrúar 1899 í Frydendal.

---

Heimildir

• Upphaflega grein skrifaði Víglundur Þór Þorsteinsson
• Árni Árnason (símritari): Gengið á reka. Blik, 1960.
• Manntöl.
• Prestþjónustubækur.
• Sigfús M. Johnsen. Saga Vestmannaeyja. Reykjavík: Ísafoldarprentsmiðja H.F., 1946.
• Þorsteinn Þ. Víglundsson: Sína á Vesturhúsum. Blik, 1965.