Ásta Bjartmars

Ásta Kristjánsdóttir Bjartmars fæddist 4. júlí 1917 og lést 10. desember 2010. Hún bjó á Bröttugötu 19.

Eiginmaður hennar var Ólafur Sigurðsson í Skuld.

---

Heimildir

• gardur.is

Frekari umfjöllun

Ásta Soffía Kristjánsdóttir Bjartmars.

Ásta Soffía Kristjánsdóttir Bjartmars, húsfreyja fæddist 4. júlí 1917 í Stykkishólmi og lést 10. desember 2010.
Foreldrar hennar voru Kristján Guðmundur Bjartmarsson Bjartmars verslunarmaður, kennari oddviti, f. 4. mars 1886, d. 1. september 1978, og fyrri kona hans Anna Petrína Ingvarsdóttir húsfreyja, f. 13. febrúar 1894, d. 20. ágúst 1930.

Ásta var með foreldrum sínum, en móðir hennar lést, er Ásta var á fjórtánda árinu.
Hún fór ung til Borgarfjarðar og var þar kaupakona, en síðan til Reykjavíkur. Þar var hún í vist í fyrstu, en vann síðan á saumastofu og flutti þá á Óðinsgötu 4. Þar bjó hún hjá Jórunni móðursystur sinni og Margréti vinkonu hennar.
Ásta flutti til Eyja 1941. Hún vann utan heimilis á matstofu Ísfélags Vestmannaeyja, á Hótel Berg og lengst í Prentsmiðjunni Eyrún ehf. á árunum 1970 til 1994.
Þau Ásta og Ólafur hýsti oft sjómenn, sem réru með Ólafi og sá hún um matreiðslu og þjónustu við þá.
Ásta tók einnig þátt í starfsmemi Slysavarnarfélagsins Eykyndils, Kvenfélagsins Líknar og Leikfélags Vestmannaeyja.
Þau Ólafur giftu sig 1941, eignuðust 3 börn. Þau bjuggu á Heimagötu 22 og síðar á Kirkjubæjarbraut 3.
Ólafur lést 1969.
Ásta bjó á Kirkjubæjarbraut 3 við Gos 1973, síðar við Hásteinsveg og á Foldahrauni 41. Hún dvaldi að síðustu í Hraunbúðum.
Ásta lést 2010.

I. Maður Ástu, (10. maí 1941), var Ólafur Sigurðsson frá Skuld, skipstjóri, útgerðarmaður, f. 14. október 1915, d. 16. mars 1969.
Börn þeirra:
1. Ingibjörg Ó. Bjartmars húsfreyja, f. 22. október 1940. Maður hennar Sigurður Þór Ögmundsson.
2. Kristján Gunnar Ólafsson löggiltur bílasali, f. 22. ágúst 1945 á Heimagötu 22. Kona hans Magnúsína Ágústsdóttir.
3. Edda Guðríður Ólafsdóttir húsfreyja, f. 14. mars 1954 að Kirkjubæjarbraut 3. Maður hennar Ágúst V. Einarsson.

---

Heimildir

• Samantekt: Víglundur Þór Þorsteinsson.
• Íbúaskrá Vestmannaeyja 1972.
• Manntöl.
• Morgunblaðið 27. desember 2010. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---