„Hvalir“: Munur á milli breytinga

[[Mynd:DSCF4782.jpg|thumb|300px|left|Háhyrningar við Vestmannaeyjar]]Mest áberandi er [[Háhyrningur|háhyrningurinn]]. Hann er nokkuð staðbundinn, heldur sig við [[Heimaey|Eyjar]] allt árið og sækir í [[Bolfiskur|bolfiskinn]]. Mest er hann áberandi síðsumars eða snemma hausts er hann fylgir síldartorfunum eftir. Háhyrningar sjást yfirleitt í hópum sem í eru 5-25 dýr. [[Hnýðingur]] og [[hnísa]] eru einnig nokkuð staðbundnir hvalir við Eyjar. Þeir eru þar allt árið og lifa m.a. á [[Bolfiskur|bolfiski]] og [[Loðna|loðnu]]. Á vetrarvertíð er algengt að fá þessar tegundir í veiðafærin og er þannig vitað af tilveru hnísu en erfitt getur verið að koma auga á hana enda er hún lítið áberandi á yfirborði sjávar. Um [[Hrefna|hrefnu]] er ekki mikið vitað en vitað er að hún heldur sig við Eyjar og er talið að hún elti smáfiskinn. [[Hnúfubakur]] sést einnig við Eyjarnar. Hann er skíðishvalur og étur smáfisk á borð við [[Loðna|loðnu]] og [[síli]]. Hnúfubakurinn fylgir því sérstaklega loðnugöngum að talið er. Af öðrum hvalategundum sést ekki mikið við Eyjarnar en ekki langt undan, eða suðvestan og suðaustan við [[Heimaey]], er [[langreyður]] og [[sandreyður]].