Sigríður Þóra Helgadóttir

Sigríður Þóra Helgadóttir.

Sigríður Þóra Helgadóttir frá Helgusöndum u. Eyjafjöllum, húsfreyja fæddist þar 3. september 1926 og lést 4. mars 2022 á hjúkrunarheimilinu Grund í Reykjavík.
Foreldrar hennar voru Helgi Jónasson bóndi á Helgusöndum og í Seljalandsseli, f. 7. maí 1894, d. 4. janúar 1987, og kona hans Guðlaug Sigurðardóttir húsfeyja, f. 16. nóvember 1889, d. 8. október 1980.

Sigríður var með foreldrum sínum í æsku, á Helgusöndum og í Seljalandsseli.
Hún flutti til Eyja 1945.
Þau Herbert giftu sig 1946, eignuðust fjögur börn. Þau bjuggu í Núpsdal og á Hólagötu 4, en skildu 1961.
Sigríður flutti til Lands 1961 með börnin. Hún vann hjá Kaupfélagi Rangæinga á Rauðalæk í Holtum, tók að sér rekstur mötuneytisins þar, en 1965 flutti hún til Þorlákshafnar og starfaði í mötuneyti Meitilsins, bjó þar á Skálholtsbraut 13, en 1980 flutti hún til Reykjavíkur, bjó við Háaleitisbraut og starfaði á Landakotsspítala til starfsloka vegna aldurs.
Sigríður Þóra dvaldi síðast á Grund. Þar lést hún 2022.

I. Maður Sigríðar Þóru, (17. október 1946), var Herbert Jóhann Ágústsson frá Núpsdal við Brekastíg 18, bifvélavirki, f. 9. júlí 1925, d. 12. janúar 1984.
Börn þeirra:
1. Guðlaug Helga Herbertsdóttir, f. 5. október 1946. Maður hennar Guðmundur Þ. Halldórsson.
2. Henný Júlía Herbertsdóttir, f. 14. maí 1952. Maður hennar Reynir Sigurjónsson.
3. Ágústa Benný Herbertsdóttir, f. 25. september 1956. Maður hennar Eyþór Björgvinsson.
4. Gunnar Herbertsson, f. 30. maí 1958. Kona hans Sigrún Einarsdóttir.

---

Heimildir

• Samantekt: Víglundur Þór Þorsteinsson.
• Íslendingabók.
• Morgunblaðið 17. mars 2022. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---