Gissur Þorsteinsson (Akurey)

Gissur Þorsteinsson frá Unhól í Háfssókn, Rang., sölumaður, bóndi fæddist þar 8. apríl 1903 og lést 26. febrúar 1975.
Foreldrar hans voru Þorsteinn Jónsson, þá giftur vinnumaður í Unhól, síðar í Eyjum, f. 2 október 1872, d. 5. nóvember 1954, og kona hans Guðbjörg Jónsdóttir, þá gift vinnuhjú í Unhól, síðar húsfreyja í Eyjum, f. 12. júlí 1963, d. 17. október 1947.

Börn Guðbjargar og Þorsteins voru:
1. Þorsteinn Þorsteinsson útgerðarmaður, verkamaður í Lambhaga, f. 16. júní 1893, d. 14. september 1937.
2. Soffía Katrín Þorsteinsdóttir húsfreyja í Odda, f. 31. júlí 1895, d. 21. maí 1978.
3. Guðjón Þorsteinsson útgerðarmaður, verkamaður, f. 20. ágúst 1896, d. 20. júní 1935.
4. Guðrún Þorsteinsdóttir húsfreyja í Lambhaga, f. 14. ágúst 1899, d. 4. september 1982.
5. Haraldur Þorsteinsson verkamaður í Nikhól og á Grímsstöðum, f. 5. janúar 1902, d. 11. desember 1974.
6. Gissur Þorsteinsson kaupmaður, sölumaður, bóndi, f. 8. apríl 1903, d. 26. febrúar 1975.

Gissur var barn í Álfhólahjáleigu í V.-Landeyjum 1910, hafði komið þangað 1902. Hann flutti til Eyja 1920, var hjú í Laufholti við Hásteinsveg 18 á því ári, var sölumaður í Reykjavík 1930, kaupmaður í Eyjum 1931.
Gissur var bóndi í Akurey í V.-Landeyjum frá 1942.
Þau Nanna giftu sig 1931, skildu barnlaus.
Þau Halldóra giftu sig, eignuðust eitt barn. Halldóra lést 1943.
Þau Guðrún giftu sig 1946, eignuðust sex börn, en fyrsta barn þeirra fæddist andvana.
Gissur lést 1975 og Guðrún 2005.

I. Kona Gissurar, (16. október 1931, skildu), var Nanna Gunnarsdóttir frá Vík, húsfreyja, f. 15. september 1903, d. 18. febrúar 1979.
Þau voru barnlaus.

II. Kona Gissurar var Halldóra Gestsdóttir frá Hóli í Norðurárdal, Borgarfirði, f. þar 1. september 1912, d. 11. október 1943 í Akurey í V.-Landeyjum. Foreldrar hennar voru Gestur Halldórsson bóndi, f. 27. ágúst 1873, d. 14. apríl 1959, og síðari kona hans Guðríður Guðlaugsdóttir húsfreyja, f. 23. október 1867, d. 22. febrúar 1961.
Barn þeirra:
1. Sigrún Gissurardóttir verslunarstjóri, fararstjóri, auglýsingastjóri, f. 18. október 1942 á Hrauki (Lindartúni) í V.-Landeyjum, d. 13. febrúar 2022. Maður hennar Sigurdór Sigurdórsson.

III. Kona Gissurar, (12. apríl 1946), var Guðrún Brynjólfsdóttir húsfreyja, f. 10. október 1914 á Hrauki (Lindartúni) í V.-Landeyjum, d. 20. janúar 2005. Foreldrar hennar voru Brynjólfur Gíslason bóndi, f. 10. desember 1872, d. 31. desember 1931 og Margrét Bjarnadóttir húsfreyja, f. 16. desember 1874, d. 17. september 1957.
Börn þeirra:
2. Andvana fædd stúlka 19. janúar 1945.
3. Dóra Björg Gissurardóttir, f. 15. janúar 1946 í Akurey. Fyrrum maður hennar Björn Biering Hallgrímsson. Maður hennar Sigurjón Valdimarsson.
4. Brynjólfur Gréta Gissurarson, f. 27. júlí 1948. Kona hans Málfríður Sigurðardóttir.
5. Þóra Gissurardóttir, f. 29. júlí 1949. Maður hennar Þorsteinn Ólafur Markússon.
6. Magnús Þór Gissurarson, f. 8. febrúar 1954. Kona hans Janet Eggleston.
7. Guðrún Hrönn Gissurardóttir, f. 10. mars 1955. Maður hennar Rúnar Árnason.

---

Heimildir

• Samantekt: Víglundur Þór Þorsteinsson.
• Íslendingabók.
• Morgunblaðið 2005. Minning Guðrúnar.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---