Sigríður Stefánsdóttir (Geithálsi)

Sigríður Stefánsdóttir.

Sigríður Stefánsdóttir frá Akureyri, húsfreyja á Geithálsi og víðar í Eyjum fæddist á Svalbarða í Glerárþorpi 3. desember 1926 og lést 3. október 2003 á Heilbrigðisstofnun Vestmannaeyja.
Foreldrar hennar voru Stefán Árnason frá Dagverðareyri, iðnverkamaður á Akureyri, síðar smiður á Grund, en að lokum í Hraunbúðum í Eyjum, f. 19. september 1897, d. 23. maí 1977, og kona hans Ragnheiður Jónsdóttir frá Engimýri í Öxnadal, húsfreyja, f. 24. febrúar 1899, síðar á Grund, en að lokum í Hraunbúðum í Eyjum, d. 19. júlí 1980.

Ragnheiður og Stefán eignuðust ellefu börn, en níu komust upp:
1. Ólafur Stefánsson verkamaður á Akureyri, f. 28. október 1925, d. 1. ágúst 2010.
2. Sigríður Stefánsdóttir húsfreyja, f. 3. desember 1926, d. 3. október 2003.
3. Örn Stefánsson sjómaður, verkstjóri, fiskimatsmaður í Reykjavík, f. 2. júlí 1931, d. 26. mars 2018.
4. Stefán Gunnar Stefánsson sjómaður, f. 27. júlí 1932.
5. Anna Fríða Stefánsdóttir húsfreyja, f. 7. júní 1937, d. 25. maí 2005.
6. Jón Stefánsson sjómaður, múrari, síðar á Akureyri, f. 7. júní 1937, d. 30. janúar 2009.
7. Brynjar Karl Stefánsson á Grund, vélsmiður, vélstjóri, kaupmaður, f. 2. ágúst 1939.
8. Sigurður Árni Stefánsson sjómaður, f. 16. september 1941.
9. Auður Stefánsdóttir húsfreyja á Grund, síðar á Sauðárkróki og Akureyri, f. 9. desember 1945.

Sigríður var með foreldrum sínum í æsku.
Hún leitaði snemma starfa utan heimilis síns. Hún réð sig í kaupavinnu 16 ára, vann á Álafossi um hríð, fór síðan til Siglufjarðar í síldarvinnu og þaðan til Vestmannaeyja, þar sem hún réðst til starfa á Sjúkrahúsinu. Bjó hún og starfaði í Vestmannaeyjum upp frá því.
Hún tók þátt í félagslífi í Eyjum og söng í kórum.
Þau Einar giftu sig 1949, eignuðust tvö börn. Þau bjuggu á Geithálsi til Goss og þar bjuggu þau enn 1986, þegar Einar lést. Hún bjó síðar við Hásteinsveg og síðast á Eyjahrauni 2.
Sigríður lést 2003.

I. Maður Sigríðar, (31. desember 1949), var Einar Hjartarson frá Geithálsi, vélvirki, vélstjóri, f. 31. janúar 1926, d. 31. ágúst 1986.
Börn þeirra:
1. Ragnheiður Einarsdóttir kjörbarn hjónanna, húsfreyja, f. 18. desember 1954.
2. Aðalheiður Jóna Einarsdóttir kjörbarn hjónanna, húsfreyja, f. 14. janúar 1963.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Morgunblaðið 11. október 2003. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---