Ólafur M. Kristinsson (hafnarstjóri)

Ólafur Magnús Kristinsson.

Ólafur Magnús Kristinsson sjómaður, skipstjóri, hafnarstjóri fæddist 2. desember 1939 á Þingvöllum og lést 4. janúar 2018.
Foreldrar hans voru Kristinn Magnússon sjómaður, skipstjóri, forstöðumaður, f. 5. maí 1908, d. 5. október 1984, og kona hans Helga Jóhannesdóttir húsfreyja, hjúkrunarfræðingur, f. 9. október 1907, d. 4. nóvember 1993.

Börn Helgu og Kristins:
1. Drengur, f. 10. desember 1936, d. 18. maí 1937.
2. Ólafur Magnús Kristinsson sjómaður, skipstjóri, hafnarstjóri, f. 2. desember 1939 á Þingvöllum, d. 4. janúar 2018. Kona hans Inga Þórarinsdóttir.
3. Theodóra Þuríður Kristinsdóttir húsfreyja, sagnfræðingur, f. 11. nóvember 1940 á Þingvöllum, d. 4. mars 2006. Maður hennar Daníel J. Kjartansson.
4. Vilborg Hanna Kristinsdóttir, f. 28. mars 1942, d. 26. júlí 1942.
5. Jóhannes Kristinsson sjómaður, f. 11. maí 1943 í Godthaab, d. 14. júlí 1990. Kona hans Geirrún Tómasdóttir.
6. Helgi Kristinsson sjómaður, f. 12. nóvember 1945 á Heiðarvegi 34, drukknaði 5. nóvember 1968.
7. Guðrún Helga Kristinsdóttir kennari, f. 22. maí 1948 á Heiðarvegi 34. Maður hennar Bjarni Gunnarsson.

Ólafur var með foreldrum sínum í æsku.
Hann lauk þriðja bekkjar prófi í Gagnfræðaskólanum 1955, varð stúdent í Menntaskólanum á Akureyri 1959, og lauk Stýrimannaskólanum 1962.
Ólafur var sjómaður, skipstjóri lengi, m.a. á Álsey VE og Helgu Jóh VE.
Hann varð hafnarstjóri 1. september 1991.
Þau Inga giftu sig 1971, eignuðust fimm börn. Þau bjuggu við Bröttugötu 11 1971, á Sóleyjargötu til Goss 1973, síðar á Heiðarvegi 34, en að lokum við Höfðaveg 39.
Ólafur lést 2018.

I. Kona Ólafs, (16. október 1971), er Inga Þórarinsdóttir húsfreyja, kennari, f. 14. nóvember 1946 á Seyðisfirði.
Börn þeirra:
1. Helga Ólafsdóttir húsfreyja, öryrki, f. 20. ágúst 1970. Fyrrum sambúðarmaður hennar Örn Guðmundsson.
2. Lilja Ólafsdóttir húsfreyja, sjúkraliði, f. 17. febrúar 1972. Maður hennar Gunnar Sigurðsson.
3. Guðlaugur Ólafsson verkfræðingur, f. 27. október 1973. Sambúðarkona hans Kristín Sigurðardóttir.
4. Kristinn Ólafsson líffræðingur, var við doktorsnám, f. 10. febrúar 1978, d. 22. mars 2017. Kona hans Margrét A. Jónsdóttir.
5. Hildur Ólafsdóttir sagnfræðingur, starfsmaður við erfðarannsóknir, f. 29. september 1984. Barnsfaðir hennar Guðni Guðjónsson. Sambúðarmaður hennar Gregory John Dixon.

---

Heimildir

• Samantekt: Víglundur Þór Þorsteinsson.
• Inga.
• Morgunblaðið 13. janúar 2018. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---