„Ritverk Árna Árnasonar/Brynjólfur Sigfússon“: Munur á milli breytinga
Ekkert breytingarágrip |
Ekkert breytingarágrip |
||
| Lína 31: | Lína 31: | ||
[[Flokkur: Listamenn]] | [[Flokkur: Listamenn]] | ||
[[Flokkur: Frumherjar]] | [[Flokkur: Frumherjar]] | ||
[[Flokkur: Íbúar í Skálholti- | [[Flokkur: Íbúar í Skálholti-eldra]] | ||
[[Flokkur: Íbúar í Laufási]] | [[Flokkur: Íbúar í Laufási]] | ||
[[Flokkur: Íbúar við Austurveg]] | [[Flokkur: Íbúar við Austurveg]] | ||
Útgáfa síðunnar 9. maí 2021 kl. 14:22
Kynning.
Brynjúlfur Sigfússon kaupmaður og tónlistarfrömuður fæddist 1. mars 1885 og lést 27. febrúar 1951.
Foreldrar hans voru Sigfús Árnason á Löndum, f. 10. september 1856, d. 5. júní 1922, og kona hans Jónína Kristín Nikólína Brynjólfsdóttir, f. 14. ágúst 1856, d. 16. nóvember 1906.
Brynjúlfur var tvíkvæntur:
I. Fyrri kona hans, (5. maí 1912), var Guðrún S. Þorgrímsdóttir, f. 28. maí 1882, d. 22. september 1927. Hún var áður gift Edward Frederiksen bakarameistara, en þau skildu. Sömuleiðis skildu þau Guðrún og Brynjúlfur, barnlaus.
II. Síðari kona Brynjúlfs, (11. júní 1933), var Ingrid Sigfússon frá Danmörku af íslensk-dönskum foreldrum, f. 8. ágúst 1909, d. 8. desember 2013.
Börn þeirra:
1. Aðalsteinn, f. 1. nóvember 1936.
2. Bryndís, f. 26. apríl 1941.
3. Hersteinn, f. 22. júní 1945.
4. Þorsteinn, f. 3. desember 1947, d. 10. júlí 2000.
Úr fórum Árna Árnasonar símritara:
Bjargveiðimannatal.
Brynjúlfur var rösklega meðalmaður á hæð, þrekinn vel og sterkur, lipur og snar í hreyfingum, skolhærður, ljós í andliti og með nokkuð stutt og breitt andlit, hátt enni og kinnbein, ljósskolhærður og ljós yfirlitum.
Hann var nokkuð skapstór, þver í skoðunum og nærri einþykkur, stríðinn stundum og hélt fast á málstað sínum, fús og fljótur til sátta eftir orðaleik, og í gleðskap kátur og skemmtilegur.
Hann var töluvert við veiðar fyrr á árum, og allgóður að veiða, en hin síðari ár hættur þeim störfum, nema sér til gamans og upplyftingar. Þar var hann góður og skemmtilegur félagi og reyndist félögum sínum vel.
Hann hafði áhuga á bættum aðbúnaði veiðimanna í úteyjum, hratt fram bættum húsakosti í Elliðaey, stofnaði gestabók og sjóð til kofans.
Góður kaupmaður, réttsýnn og ábyggilegur í öllum viðskiptum svo orð fór af.
Úr fórum Árna Árnasonar, efnisyfirlit
Önnur umfjöllun á Heimaslóð: Brynjólfur Sigfússon
Heimildir
- Samantekt: Víglundur Þór Þorsteinsson.
- Eyjar og úteyjalíf – Úrval verka Árna Árnasonar símritara frá Grund. Sögufélag Vestmannaeyja í samstarfi við Safnahús Vestmannaeyja 2012.
Þessi grein tilheyrir Æviskrám Eyjafólks eftir Víglund Þór Þorsteinsson.