Gíslína Jónsdóttir (Skansinum)

Gíslína Jónsdóttir í Kornhól, (Skansinum), húsfreyja fæddist 16. nóvember 1889 (21. nóvember 1888 segir í kirkjubók) í Bakkakoti u. A-Eyjafjöllum og lést 22. mars 1984.
Foreldrar hennar voru Jón Stefánsson trésmiður, síðar á Akureyri, f. 24. maí 1868, d. 28. ágúst 1939, og Guðrún Björnsdóttir vinnukona í Bakkakoti, síðar húsfreyja í Berjanesi og bústýra á Leirum í A-Eyjafjallahreppi, f. 4. nóvember 1862, d. 31. maí 1922.

Guðrún Björnsdóttir var systir Jóhönnu Björnsdóttur í Kuðungi, móður Magneu Gísladóttur, sem var fylgikona og barnsmóðir Magnúsar Þórðarsonar manns Gíslínu Jónsdóttur. Þær Magnea voru því systradætur.
Börn Jóhönnu og Gísla í Eyjum voru:
1. Guðrún Gísladóttir, f. 18. mars 1891 í Indriðakoti u. Eyjafjöllum, d. 12. nóvember 1925 á Litlu-Löndum.
2. Magnea Gísladóttir húsfreyja, f. 7. júní 1893 í Björnskoti u. Eyjafjöllum, d. 10. febrúar 1975.
3. Gíslína Gísladóttir húsfreyja, f. 1. október 1895 í Björnskoti, d. 27. maí 1972.
Hálfsystir þeirra, barn Jóhönnu og Sigurðar Jónssonar vinnumanns í Skarðshlíð var:
4. Guðbjörg Oktavía Sigurðardóttir húsfreyja á Hrófbergi, á Skólaveg 24, f. 2. október 1897 í Eystri-Skógum u. Eyjafjöllum, d. 8. nóvember 1977.

Gíslína var tökubarn í Bakkakoti 1890, í Berjanesi með móður sinni 1901. Hún dvaldi í Eyjum 1910, en heimili hennar var á Leirum hjá móður sinni.
Hún fluttist til Eyja 1916, var þá vinnukona á Jaðri og þar var Axel Hálfdán sonur Magnúsar og Magneu tökubarn.
Gíslína giftist Magnúsi 1917.
Þau Magnús eignuðust 11 börn, en misstu eitt þeirra nokkurra daga gamalt.
Þau bjuggu í Langa-Hvammi til 1923, bjuggu í Vegg, (hét áður Litlakot) 1924, komin að Miðhúsum 1927 og voru þar 1930, bjuggu í Kornhól (Skansinum) við fæðingu Þórðar 1933 og bjuggu þar síðan með bæði lifðu.
Magnús lést 1955.
Gíslína bjó hjá Magnúsi syni sínum og Birnu Rut á Helgafellsbraut 15 fram að Gosi, en síðar á Smáragötu 12. Gíslína lést 1984.

Maður Gíslínu, (24. maí 1917), var Magnús Þórðarson kaupmaður, útgerðarmaður, bóndi, verkamaður, f. 24. desember 1876 í Ormskoti í Fljótshlíð, d. 1. apríl 1955.
Börn þeirra:
1. Halldóra Guðleif Magnúsdóttir húsfreyja, f. 18. nóvember 1917 í Litla-Hvammi, d. 28. desember 2004.
2. Drengur, f. 15. janúar 1919 í Langa-Hvammi, lést nokkurra daga gamall.
3. Sigríður Gunnlaugsdóttir Magnúsdóttir húsfreyja, f. 4. maí 1921 í Langa-Hvammi, d. 30. ágúst 2013.
4. Ívar Magnússon verkstjóri, f. 3. október 1923 í Litla-Hvammi, d. 13. nóvember 2005.
5. Guðjón Gísli Magnússon sjómaður, f. 20. október 1924 í Litlakoti, d. 27. febrúar 2000.
6. Óskar Magnússon sjómaður, f. 15 ágúst 1927 á Miðhúsum, d. 7. janúar 1950.
7. Guðrún Lilja Magnúsdóttir ljósmóðir, f. 27. september 1928 á Miðhúsum, d. 11. ágúst 2012.
8. Magnús Magnússon bóndi, verkamaður, f. 10. febrúar 1930 á Miðhúsum, d. 3. janúar 2009.
9. Klara Magnúsdóttir húsfreyja, f. 16. október 1931 á Miðhúsum, d. 6. desember 1987.
10. Þórður Magnússon bifreiðastjóri, verktaki, f. 11. apríl 1933 á Skansinum við Strandveg 1c, d. 6. mars 2021.
11. Guðmundur Magnússon blikksmiður, f. 19. september 1934 á Skansinum við Strandveg 1c, d. 4. janúar 2014.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Prestþjónustubækur.
• Þórður Magnússon.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---