Bjartey Sigurðardóttir

Bjartey Sigurðardóttir.

Bjartey Sigurðardóttir M.Ed., talmeinafræðingur fæddist 12. febrúar 1957 í Reykjavík.
Foreldrar hennar voru Sigurður Sigurðsson frá Vatnsdal, skipasmíða- og húsasmíðameistari, f. þar 22. júlí 1928, d. 16. ágúst 2020, og kona hans Jóhanna Margrét Friðriksdóttir húsfreyja, verkakona, verkalýðsleiðtogi, f. 13. október 1930 í Reykjavík, d. 17. nóvember 2012.

Börn Jóhönnu og Sigurðar:
1. Atli Sigurðsson skipstjóri, f. 3. ágúst 1952 í Reykjavík. Kona hans er Harpa Njálsdóttir Andersen húsfreyja, f. 10. ágúst 1948.
2. Bjartey Sigurðardóttir M.Ed., talmeinafræðingur, f. 12. febrúar 1957 í Reykjavík. Maður hennar, (skildu), er Gunnar Þór Sigurðsson vélstjóri, rafvirkjameistari frá Svanhól, f. 7. júlí 1948.
3. Gylfi Sigurðsson trésmiður, f. 26. janúar 1959 í Kópavogi. Kona hans er Guðrún Erlingsdóttir húsfreyja, bæjarfulltrúi, fyrrv. varaþingmaður, ráðgjafi.
4. Friðrik Arnar Sigurðsson vélfræðingur, f. 9. mars 1965 í Kópavogi. Fyrrum kona hans Anna Elísabet Sæmundsdóttir. Sambýliskona Arna Margrét Ragnarsdóttir.

Bjartey var með foreldrum sínum í æsku, í Reykjavík og flutti með þeim til Eyja 1970.
Hún lenti í Gosinu 1973 með landsprófið sitt og lauk því í Reykjavík.
Bjartey lauk Fósturskólanum í Reykjavík 1982, námi í talmeinafræði í Noregi 1986, grunnskólakennaraprófi þar 1987. Þá lauk hún meistaraprófi í náms- og kennslufræði 2012 í Reykjavík.
Hún sneri til Eyja 1987, vann við leik- og grunnskólann þar.
Bjartey flutti til Hafnarfjarðar 1999 og er talmeinafræðingur og verkefnisstjóri á Mennta- og heilsusviði Hafnarfjarðar.
Þau Gunnar Þór giftu sig 1978, eignuðust fjögur börn, en misstu tvö þeirra nýfædd. Þau bjuggu á Fjólugötu 13 og 29 og í Hrauntúni 44.
Þau skildu.

I. Maður Bjarteyjar, (1. júlí 1978, skildu), er Gunnar Þór Sigurðsson vélstjóri, rafvirkjameistari frá Svanhól, f. 7. júlí 1948.
Börn þeirra:
1. Sædís Gunnarsdóttir, f. 26. desember 1977, d. 31. desember 1977.
2. Jóhanna Margrét Gunnarsdóttir, f. 8. júlí 1979, d. 11. júlí 1979.
3. Styrmir Gunnarsson heilari, f. 8. september 1993. Ókvæntur.
4. Huginn Gunnarsson við háskólanám, f. 25. ágúst 1995. Ókvæntur.

---

Heimildir

• Samantekt: Víglundur Þór Þorsteinsson.
• Íbúaskrá Vestmannaeyja 1972.
• Íslendingabók.is.
• Bjartey.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---